தவறவிடாதீர்கள்..!உடனே பதிவு செய்யுங்கள்

ஹங்வெல்ல பொலிஸ் பிரிவுக்கு உட்பட்ட எம்புல்கம - பனாகொட வீதியில் நேற்று (15) இடம்பெற்ற மோட்டார் சைக்கிள் விபத்தில் இளைஞன் ஒருவர் உயிரிழந்துள்ளதாக  ஹங்வெல்ல பொலிஸார் தெரிவித்தனர்.

மோட்டார் சைக்கிள் ஒன்று வீதியின் இடது பக்கமாக திரும்ப முயன்ற போது மற்றுமொரு மோட்டார் சைக்கிள் ஒன்றுடன் மோதி வீதியை விட்டு விலகி அருகிலிருந்த தொலைபேசி கம்பத்தில் மோதியதில் இந்த விபத்து இடம்பெற்றுள்ளது.

இந்த விபத்தில் இரு மோட்டார் சைக்கிள்களின் செலுத்துனர்கள் இருவரும் காயமடைந்துள்ள நிலையில் ஹோமாகம வைத்தியசாலையில் அனுமதிக்கப்பட்ட பின்னர் அவர்களில் ஒருவர் உயிரிழந்துள்ளதாக  பொலிஸார் தெரிவித்தனர்.

தெடிகமுவ பிரதேசத்தை சேர்ந்த 18 வயதுடைய இளைஞனே இவ்வாறு உயிரிழந்துள்ளார்.

இது தொடர்பான மேலதிக விசாரணைகளை ஹங்வெல்ல பொலிஸார் மேற்கொண்டு வருகின்றனர்.