தவறவிடாதீர்கள்..!உடனே பதிவு செய்யுங்கள்

ஆரம்ப காலத்திலிருந்தே தமிழ்ப் பொது வேட்பாளர் கிழக்கிலிருந்து தெரிவு செய்யப்படல் வேண்டும் என்பதே தமிழ்த் தேசிய பொதுக் கட்டமைப்பில் பலரது கருத்தாக இருந்தது. யாழ்ப்பாண பல்கலைக்கழக மாணவர் ஒன்றியம் இதனை அறிக்கையாகவும் வெளியிட்டது. ஆய்வாளர்கள் பலரும் தங்களது கட்டுரையில் கிழக்கிலிருந்து தெரிவு செய்யப்படுவது நல்லது என்றே கூறியிருந்தனர். அரியநேத்திரன் கிழக்கைச் சேர்ந்தவர். தமிழ்த் தேசிய அரசியலில் மிகவும் உறுதியானவர். பாராளுமன்ற உறுப்பினராக இருந்தமையினால் பலரும் அறிந்தவர். தமிழ்த் தேசிய பொதுக்கட்டமைப்பின் கொள்கையான வருங்காலங்களில் தேர்தல் அரசியலில் ஈடுபடுவதில்லை என்பதையும் அவர் ஏற்றுக்கொண்டிருக்கின்றார். இந்நான்கு பண்புகளும் அவர் தமிழ் பொது வேட்பாளருக்கு நிற்பதற்கு போதுமானது. அரியநேத்திரனோடு போட்டிக்களத்தில் நின்ற ஜனாதிபதி சட்டத்தரணி தவராசாகவும் பொருத்தமானவரே. தமிழ்த் தேசிய அரசியலில் உறுதியாக நிற்கும் அவர் தமிழ் அரசியல் கைதிகள் பலரின் வழக்குகளிலும் வாதாடியிருக்கின்றார். தொடர்ந்தும் வாதாடி வருகின்றார்.