தவறவிடாதீர்கள்..!உடனே பதிவு செய்யுங்கள்

மகிந்தவின் சில ஜனநாயக விரோத செயற்பாடுகளுக்கும் இவர்கள் துணை போனதால் அவருக்கு இவர்களின் மீது நடவடிக்கை எடுக்க முடியாது போயிற்று. ஆனால் அரகலய போராட்டத்துக்குப் பின்னர் எல்லாம் தலைகீழாகிவிட்டது. ராஜபக்ச சகோதரர்களுக்கு முட்டு கொடுத்தவர்களின் வீடுகளும் கொளுத்தப்பட்டன. மகிந்தவும் தனது குடும்பத்தினருடன் அஞ்ஞாதவாசம் செய்ய வேண்டிய நிலைமைக்கு தள்ளப்பட்டார். நீண்ட காலத்துக்கு மகிந்த விசுவாசிகளால் பொதுவெளியில் தலைகாட்ட முடியாமலிருந்தது. மகிந்தவின் அரசாங்கத்தில் அவரது பிரசார பீரங்கியாக விளங்கிய கெஹலிய ரம்புக்வெல இப்போது பிணை கோரிக்கை மறுக்கப்பட்டவராக விளக்கமறியலில் உள்ளார். இவ்வாறானவர்களை அருகில் வைத்துக்கொண்டால் தனது மகனின் அரசியல் எதிர்காலத்துக்கும் ஆபத்து வந்து விடும் என மகிந்த நினைத்தாலும் அவர்களை தவிர்க்க முடியாது திண்டாடினார்.