தவறவிடாதீர்கள்..!உடனே பதிவு செய்யுங்கள்

நுவரெலியா மாநகரசபை மைதானத்திற்கு அருகில் வெள்ளிக்கிழமை (09) பிற்பகல் மட்டக்குதிரை சவாரி செய்து கொண்டிருந்த இத்தாலியப் பிரஜை ஒருவர் தவறி விழுந்து வைத்தியசாலையில் அனுமதிக்கப்பட்டுள்ளார்.

இம்மாதம் 06ஆம் திகதி செவ்வாய்க்கிழமை 16 பேர் கொண்ட குழுவினருடன் இலங்கைக்கு வருகை தந்தவர்கள் பல இடங்களையும் சுற்றிப்பார்த்த நிலையில் வெள்ளிக்கிழமை நுவரெலியா நகரசபை மைதானத்திற்கு அருகில் மட்டக்குதிரை சவாரியில் ஈடுபடும் போது 16 வயதுடைய பெண் சவாரி செய்த மட்டக்குதிரை திடீரென முரட்டுத்தனமாக வேகமாகச் சென்றதில் தவறி விழுந்து விலா எலும்பில் ஏற்பட்ட முறிவு காரணமாக நுவரெலியா மாவட்ட பொது  வைத்தியசாலையில் அனுமதிக்கப்பட்டுள்ளார் குறித்த சம்பவம் தொடர்பாக நுவரெலியா சுற்றுலா பொலிஸார் விசாரணைகளை மேற்கொண்டு வருகின்றனர்.

குறிப்பாக நுவரெலியாவிற்கு சுற்றுலாவிற்கு வருபவர்கள் மட்டக்குதிரை சவாரி செய்யும்போது பாதுகாப்பு  தலைக்கவசம் அணியாததும் இதுபோன்ற காயங்கள் ஏற்படுவதற்குக்  காரணமாக அமைகிறது என்றும் இதுபோன்று மட்டக்குதிரையிலிருந்து தவறிவிழுவது இது முதல்முறையல்ல என பொலிஸ் அதிகாரி ஒருவர் தெரிவித்தார் இந்த சம்பவங்களுக்கு எதிர் வரும் காலங்களில்  முற்றுப்புள்ளி வைக்க நடவடிக்கை எடுப்போம் எனவும் அவர் தெரிவித்தார் .