தவறவிடாதீர்கள்..!உடனே பதிவு செய்யுங்கள்

(எம்.மனோசித்ரா)

தேர்தல் காலங்களில் உருவாகும் ஏனைய கூட்டணிகளைப் போன்று எமது கூட்டணி சந்தர்ப்பவாத அரசியலை நோக்கமாகக் கொண்டதல்ல. எந்தவொரு சந்தர்ப்பத்திலும் என்னையோ, எமது கூட்டணியையோ எவராலும் விலைக்கு வாங்க முடியாது என எதிர்க்கட்சி தலைவர் சஜித் பிரேமதாச தெரிவித்தார்.

வோட்டஸ் எட்ஜ் ஹோட்டலில் புதன்கிழமை (07)  சுதந்திர கட்சியுடன் ஒப்பந்தம் கையெழுத்திடும் நிகழ்வில் கலந்து கொண்டு உரையாற்றிய போது இதனைத் தெரிவித்த அவர் மேலும் குறிப்பிடுகையில், 

தேர்தல் காலங்களில் அதிகாரத்தைக் கைப்பற்றும் நோக்கத்தில் பல கூட்டணிகள் உருவாகும். ஆனால் எமது கூட்டணி வெறுமனே அரசியலை மாத்திரம் நோக்கமாகக் கொண்ட சந்தர்ப்பவாத கூட்டணி அல்ல. ஸ்ரீலங்கா சுதந்திர கட்சிக்கும்இ ஐக்கிய மக்கள் சக்திக்கும் தெளிவான இலக்கொன்று காணப்படுகிறது. 

அடிப்படைவாதம், இனவாதம்,  மதவாதத்தால் நாட்டைக் கட்டியெழுப்ப முடியாது. முதலாளித்துவ ஆட்சி இன்றி மக்கள் ஆட்சி அமைக்கப்பட வேண்டும். எமது இந்த பயணத்தில் பொது மக்களை கேந்திரமாகக் கொண்ட பொருளாதாரம் கட்டியெழுப்பப்படும். இதற்கும் அனைவரும் உள்வாங்கப்படுவர்.

220 இலட்சம் மக்களுக்காக நாம் அர்ப்பணிப்புடன் சேவையாற்றுவோம். எமது ஆட்சியில் பொறுப்புக்களை ஏற்பவர்கள் குடும்ப ஆட்சியை புறந்தள்ள வேண்டும். எனவே அமைச்சுப்பதவிகள் பற்றியோஇ கட்சியில் ஏனைய பதவிகள் பற்றியோ இப்போதே எதிர்பார்ப்புக்களை ஏற்படுத்திக் கொள்ளவும் கூடாது. மாறாக நாட்டுக்கு பெருமை சேர்ப்பதற்காக அனைவரும் ஒத்துழைக்க வேண்டும்.

இன்று  எமது நாடு ஏலத்தில் தேசிய சொத்துக்களை விற்கும் நாடாக மாற்றமடைந்துள்ளது. இவ்வாறான நிலைமையை மாற்றி கடன் தொல்லையிலிருந்து மக்களை விடுவிக்க வேண்டும். யார் எதைக் கூறினாலும் என்னை விலைக்கு வாங்கவோ, பதவி ஆசைகளைக் காண்பித்து பொறுப்புக்களை வழங்கவோ முடியாது. எந்த காரணத்துக்காகவும் மனசாட்சியை நாம் காட்டிக் கொடுக்க மாட்டோம் என்றார்.