தவறவிடாதீர்கள்..!உடனே பதிவு செய்யுங்கள்

வெளிநாட்டில் உள்ள பிரபல போதைப்பொருள் கடத்தல்காரரான “கொத அசங்க” என்பவரின்  உதவியாளர் ஒருவர் பொலிஸ் விசேட அதிரடிப்படையினரால் கடந்த 5 ஆம் திகதி கைது செய்யப்பட்டுள்ளார்.

பொலிஸ் விசேட அதிரடிப்படையினருக்குக் கிடைத்த தகவலின் பேரில் சப்புகஸ்கந்த, மாஹேன பிரதேசத்தில் வைத்து சந்தேக நபர் கைது செய்யப்பட்டுள்ளார்.

ஹெய்யன்துடுவ பிரதேசத்தைச் சேர்ந்த 36 வயதுடைய நபரொருவரே கைது செய்யப்பட்டுள்ளார்.

சந்தேக நபரிடமிருந்து 7 இலட்சம் ரூபா பெறுமதியான ஹெரோயின் போதைப்பொருள், 100 தோட்டாக்கள், ஒரு இலட்சம் ரூபா பணம் , இலத்திரனியல் தராசு மற்றும் கையடக்கத் தொலைபேசி என்பன கைப்பற்றப்பட்டுள்ளன.

இதனையடுத்து, கைது செய்யப்பட்ட சந்தேக நபர் மேலதிக விசாரணைகளுக்காக சப்புகஸ்கந்த பொலிஸ் நிலையத்தில் ஒப்படைக்கப்பட்டுள்ளார்.