தவறவிடாதீர்கள்..!உடனே பதிவு செய்யுங்கள்

நல்லூர் கந்தசுவாமி ஆலய மஹோற்சவம் எதிர்வரும் 9ஆம் திகதி வெள்ளிக்கிழமை காலை 10 மணிக்கு கொடியேற்றத்துடன் ஆரம்பமாகவுள்ளது.

தொடர்ந்து 25 நாட்கள் நடைபெறவுள்ள திருவிழாவில் ஆகஸ்ட் 18ஆம் திகதி மாலை மஞ்சத் திருவிழாவும், 25ஆம் திகதி அருணகிரிநாதர் உற்சவமும், 26ஆம் திகதி மாலை கார்த்திகை உற்சவமும், 27ஆம் திகதி காலை சூர்யோற்சவமும், 28ஆம் திகதி காலை சந்தானகோபாலர் உற்சவமும், அன்றைய தினம் மாலை கைலாச வாகனத் திருவிழாவும் இடம்பெறவுள்ளன.

அத்துடன், 29ஆம் திகதி காலை கஜவல்லி மஹாவல்லி உற்சவமும், அன்றைய தினம் மாலை வேல் விமானம் (தங்கரதம்), 30ஆம் திகதி காலை தண்டாயுதபாணி உற்சவமும், அன்றைய தினம் மாலை ஒருமுக உற்சவமும், 31ஆம் திகதி மாலை சப்பற உற்சவமும், செப்டெம்பர் 01ஆம் திகதி காலை தேர்த் திருவிழாவும், 02ஆம் திகதி காலை தீர்த்தத் திருவிழாவும், அன்றைய தினம் மாலை கொடியிறக்கமும், 03ஆம் திகதி மாலை பூங்காவனத் திருவிழாவும், மறுநாள் வைரவர் உற்சவமும் நடைபெறவுள்ளன.