தவறவிடாதீர்கள்..!உடனே பதிவு செய்யுங்கள்

"யவ்ம்-இ-இஸ்தெஹ்சால்" தினம் பாகிஸ்தான் உயர்ஸ்தானிகராலயத்தினால் இன்று திங்கட்கிழமை (05) அனுஷ்டிக்கப்பட்டது.

முக்கிய பேச்சாளர்கள் காஷ்மீரிகளின் அவல நிலையை சுட்டிக்காட்டியதோடு இந்த சர்ச்சையானது ஐ.நா பாதுகாப்பு கவுன்சிலின் நிகழ்ச்சி நிரலில் உள்ள பழமையான விடயங்களில் ஒன்று என்றும் அவர்கள் தெரிவித்தனர். 

துரதிர்ஷ்டவசமாக, இந்தியா தனது உறுதிமொழிகளை மதிக்க மறுப்பதாலும், அடிப்படை மனித உரிமைகள் மற்றும் சர்வதேச சட்டங்களை மதிக்காததாலும் இந்த சர்ச்சை இன்னும் தீர்க்கப்படாமல் உள்ளது.

மனிதாபிமானமற்ற இராணுவ முற்றுகை, தகவல் தொடர்பு முற்றுகை, சுற்றிவளைப்பு மற்றும் தேடுதல் நடவடிக்கைகள், போலி என்கவுன்டர்கள் மூலம் அப்பாவி காஷ்மீரிகள் மீதான அடக்குமுறை மற்றும் மிருகத்தனமான தாக்குதலை உயர்ஸ்தானிகர் மேஜர் ஜெனரல் (ஓய்வுநிலை) ஃபஹீம் உல் அஸீஸ் தனது உரையில் சுட்டிக்காட்டினார்.

மேலும், பாகிஸ்தான் ஜனாதிபதி ஆசிப் அலிசர் தாரி, பிரதமர் முகமது ஷேபாஸ் ஷெரீப், இந்திய வெளியுறவு அமைச்சர் இஷாக்தர் ஆகியோரின் யவ்ம்-இ-இஸ்தெஹ்சால் தினம் குறித்த செய்திகளும் இதன்போது வாசிக்கப்பட்டன.