தவறவிடாதீர்கள்..!உடனே பதிவு செய்யுங்கள்

“விழித்தெழு  பெண்ணே” கனடா அமைப்பினால் “காளான் வளர்ப்பு மற்றும் சந்தைப்படுத்தல்” எனும் கருத்திட்டத்துக்கு அமைய 30 பெண்களுக்கு நிதி உதவி வழங்கப்பட்டு, அவர்களுக்கான சுயதொழில் வாய்ப்புகள் நேற்றைய தினம் (04) ஏற்படுத்தி கொடுக்கப்பட்டுள்ளன.

பெண்களுக்கான சுயதொழில் வாய்ப்புகளை உருவாக்குவதன் மூலம் அவர்களின் வாழ்வாதார பிரச்சினைகளுக்கான பொருளாதார ரீதியான தீர்வுகளை பெற்றுக்கொள்ளல் மற்றும் பெண் தலைமைத்துவ  சிறு வியாபாரங்களை ஊக்குவித்தல் எனும் கருப்பொருளில் “விழித்தெழு  பெண்ணே” கனடா அமைப்பினால் Thondaman Professional Training Centre - Hattonஇல் கடந்த ஏப்ரல் மாதம் இடம்பெற்ற கலந்துரையாடல்களின் அடிப்படையில் முதற்கட்டமாக இந்த நிதி உதவி வழங்கப்பட்டுள்ளது.

இத்திட்டம் மலையக பகுதிகளில் “விழித்தெழு  பெண்ணே” கனடா அமைப்பினால் ஆரம்பிக்கப்பட்ட முதலாவது செயற்றிட்டம் என்பதுடன் இச்செயற்றிட்டத்தின் அடைவு மட்டங்களை கவனமாக பகுப்பாய்வு செய்து எதிர்கால மலையக பெண்களுக்கான சுயதொழில் வாய்ப்புகளுக்கான செயற்றிட்டங்கள் முன்னெடுக்கப்படும் என அமைப்பின்  நிர்வாக குழு தீர்மானித்துள்ளது. 

நேற்றைய நிகழ்வில் அமைப்பின்  நிறுவுனர் சசிகலா நரேந்திரா நிகழ்நிலை தொழில்நுட்பத்தினூடாக கலந்துகொண்டு உரையாற்றினார். 

இதன்போது அவர், இச்செயற்றிட்டத்தை முன்கொண்டு செல்வதில்  துணைபுரிந்த “விழித்தெழு பெண்ணே” கனடா அமைப்பின் பிரதம நிறைவேற்று அதிகாரி DR. நரேந்திராவுக்கும்  நேற்றைய நிகழ்வுகளை ஏற்பாடு செய்த அர்ஜுன் ஜெயராஜ் மற்றும் இந்நிகழ்வுக்கான செயற்றிட்ட அதிகாரி  கனிஷ்டா மைக்கலுக்கும் நன்றி தெரிவித்ததோடு, “விழித்தெழு  பெண்ணே” கனடா அமைப்பின் சேவைகள் மலையகமெங்கும் எதிர்காலத்தில் விஸ்தரிக்கப்படும் என்றும் குறிப்பிட்டார்.