தவறவிடாதீர்கள்..!உடனே பதிவு செய்யுங்கள்

அத்துருகிரியவில் கிளப் வசந்த சுட்டுக் கொல்லப்பட்ட சம்பவத்துடன் தொடர்புடைய சந்தேக நபர்களை கைது செய்வதற்கு பொதுமக்களின் உதவியை பொலிஸார் கோரியுள்ளனர்.  

அத்துருகிரியவில் கடந்த ஜூலை மாதம் 8ஆம் திகதி பச்சை குத்தும் நிலையத்தை திறக்கும்போது  கிளப் வசந்த என்றழைக்கப்படும் சுரேந்திர வசந்த பெரேராவும் மேலும் ஒருவரும் துப்பாக்கியால் சுட்டு  கொல்லப்பட்டனர்.    

இந்த குற்றச்செயல் தொடர்பில் மூன்று சந்தேக நபர்கள் விசாரணை அதிகாரிகளால் அடையாளம் காணப்பட்டுள்ளதுடன், சந்தேக நபர்களின் 03 புகைப்படங்களை பொலிஸார் ஊடகங்களுக்கு வெளியிட்டுள்ளனர். 

சந்தேக நபர்கள் தொடர்பில் ஏதேனும் தகவல் தெரிந்தால், 072-4222223 அல்லது 072-4222223 அல்லது 071-8591657 என்ற இலக்கத்துக்கு தொடர்புகொள்ளுமாறு பொலிஸார் பொதுமக்களை கேட்டுக்கொள்கின்றனர்.