தவறவிடாதீர்கள்..!உடனே பதிவு செய்யுங்கள்

கடந்த ஆண்டில் குடிவரவு மற்றும் குடியகல்வுத் திணைக்களம் 42.76 பில்லியன் ரூபா வருமானத்தை ஈட்டியுள்ளது.

இதற்கு அதிக சுற்றுலா பயணிகள் வருகையும் மற்றும் கடவு சீட்டு வழங்கல் செயற்பாடும் காரணமாகும்.

குடிவரவு மற்றும் குடியகல்வுத் திணைக்களம் கடந்த ஆண்டில் 28.1 பில்லியன் ரூபாவை வருமானத்தை இலக்காக கொண்டிருந்தது. ஆனால் 2022 ஆம் ஆண்டில் ஈட்டிய 23.83 பில்லியன் ரூபாய் வருமானத்தை விட 42.76 பில்லியன் ரூபாய் வருமானத்தை ஈட்டி சாதனை படைத்துள்ளது.

அதன்படி,  இலத்திரனியல் பயண அங்கீகாரத்தின்  (ETA) மூலம் 17.74 பில்லியன் ரூபாவும், கடவுசீட்டு வழங்குதல் மற்றும் திருத்தம் மூலம் 12.51 பில்லியன் ரூபாவும், விசா வழங்கல்/நீடிப்பு மூலம் 7.09 ரூபாவும், தூதரகங்கள் ஊடான கடவுச்சீட்டு விநியோக செயற்பாடுகள் மூலம் 3.82 பில்லியன் ரூபாவும் வருமானமாக ஈட்டப்பட்டுள்ளது.

இதேவேளை, கடந்த வருடத்தில் 910,582 கடவுச்சீட்டுகளை குடிவரவு மற்றும் குடியகல்வுத் திணைக்களம் வழங்கியுள்ளது. 2022 ஆம் ஆண்டு வழங்கப்பட்ட  911,689 கடவுச்சீட்டுகளுடன் ஒப்பிடுகையில் 2023 ஆம் ஆண்டு  பிராந்திய அலுவலகங்கள்  191,557 கடவுச்சீட்டுகளை வழங்கியுள்ளமை தெரியவந்துள்ளது.

அதில், 2023 ஆம் ஆண்டு  ஜூன் 15 ஆம் திகதி  முதல் பிராந்திய அலுவலகங்களின் செயற்பாடுகள் மீள ஆரம்பிக்கப்பட்டதன் பின்னர்வவுனியா அலுவலகம் 56,261 கடவுச்சீட்டுக்களை வழங்கியுள்ளது.

கடந்த 2019 ஆம் ஆண்டு முதல் 2023 ஆம் ஆண்டு வரை 2.94 மில்லியன் கடவுசீட்டுகள் வழங்கப்பட்டுள்ளது.