தவறவிடாதீர்கள்..!உடனே பதிவு செய்யுங்கள்

பமுனுகம பொலிஸ் பிரிவுக்குட்பட்ட உஸ்வெட்டகெட்டியாவ பகுதியில் படகு மூலம் சட்டவிரோதமாகக் கொண்டுவரப்பட்ட மஞ்சள் பொதிகளுடன் சந்தேக நபரொருவர் நேற்று ஞாயிற்றுக்கிழமை (21) கைது செய்யப்பட்டுள்ளதாக பமுனுகம பொலிஸார் தெரிவித்தனர்.

பமுனுகம பொலிஸாருக்கு கிடைத்த தகவலின் பேரில் மேற்கொள்ளப்பட்ட சுற்றிவளைப்பில் சந்தேக நபர் கைது செய்யப்பட்டுள்ளார்.

நீர்கொழும்பு பகுதியில் வசிக்கும் 49 வயதுடைய நபரொருவரே இவ்வாறு கைது செய்யப்பட்டுள்ளார்.

சந்தேக நபரிடமிருந்து சட்டவிரோதமாகக் கொண்டுவரப்பட்ட 1767.5 கிலோ மஞ்சள் அடங்கிய பொதிகள், 4 படகுகள் மற்றும் மஞ்சள் பொதிகளை ஏற்றிச் செல்ல பயன்படுத்தப்பட்ட பஸ் என்பன கைப்பற்றப்பட்டுள்ளன.

இது தொடர்பான மேலதிக விசாரணைகளை பமுனுகம பொலிஸார் மேற்கொண்டு வருகின்றனர்.