தவறவிடாதீர்கள்..!உடனே பதிவு செய்யுங்கள்

கனடாவில் வேலைவாய்ப்பு பெற்று தருவதாக கூறி பண மோசடி செய்ததாக கூறப்படும் வெளிநாட்டு வேலைவாய்ப்பு நிறுவனமொன்றின் உரிமையாளர் உட்பட இருவர் இலங்கை வெளிநாட்டு வேலைவாய்ப்பு பணியகத்தின் விசேட புலனாய்வு பிரிவினரால் கைது செய்யப்பட்டுள்ளனர்.

பொரள்ளை பிரதேசத்தில் உள்ள வெளிநாட்டு வேலைவாய்ப்பு நிறுவனம் ஒன்று கனடாவில் வேலைவாய்ப்பு பெற்று தருவதாக கூறி 10 இலட்சம் ரூபா பணத்தை பெற்று மோசடி செய்துள்ளதாக இலங்கை வெளிநாட்டு வேலைவாய்ப்பு பணியகத்தின் விசேட புலனாய்வு பிரிவினருக்கு முறைப்பாடு ஒன்று கிடைத்துள்ளது.

இதனையடுத்து மேற்கொள்ளப்பட்ட விசாரணையில், இந்த வெளிநாட்டு வேலைவாய்ப்பு நிறுவனம் அனுமதிப்பத்திரம் இன்றி சட்டவிரோதமான முறையில் இயங்கி வந்துள்ளதாக தெரியவந்துள்ளது.

இதனையடுத்து, இந்த வெளிநாட்டு வேலைவாய்ப்பு நிறுவனத்தின் உரிமையாளர் உட்பட இருவர் கைது செய்யப்பட்டுள்ளனர்.

கைது செய்யப்பட்ட சந்தேக நபர்கள் நீதிமன்றில் ஆஜர்படுத்தப்பட்டதையடுத்து 10 இலட்சம் ரூபா சரீரப் பிணையில் விடுதலை செய்யப்பட்டுள்ளனர்.