தவறவிடாதீர்கள்..!உடனே பதிவு செய்யுங்கள்

இசையமைப்பாளரும், முன்னணி நட்சத்திர நடிகருமான விஜய் ஆண்டனி எக்சன் ஹீரோவாக நடித்திருக்கும் 'மழை பிடிக்காத மனிதன்' திரைப்படத்தின் வெளியீட்டு திகதி அதிகாரப்பூர்வமாக வெளியிடப்பட்டிருக்கிறது.

ஒளிப்பதிவாளரும், இயக்குநருமான விஜய் மில்டன் இயக்கத்தில் உருவாகி இருக்கும் 'மழை பிடிக்காத மனிதன்' எனும் திரைப்படத்தில் விஜய் அண்டனி, சத்யராஜ், சரத்குமார், டாலி தனஞ்ஜெயா, மேகா ஆகாஷ், முரளி ஷர்மா, சரண்யா பொன்வண்ணன், பிருத்வி அம்பர் உள்ளிட்ட பலர் நடித்திருக்கிறார்கள்.

விஜய் மில்டன் ஒளிப்பதிவு செய்திருக்கும் இந்த திரைப்படத்திற்கு விஜய் ஆண்டனி- அச்சு ராஜாமணி ஆகியோர் இணைந்து இசையமைத்திருக்கிறார்கள்.

எக்சன் என்டர்டெய்னராக தயாராகி இருக்கும் இந்த திரைப்படத்தை இன்ஃபினிட்டி ஃபிலிம் வென்ச்சர்ஸ் நிறுவனம் சார்பில் தயாரிப்பாளர்கள் கமல் போஹ்ரா, பங்கஜ் போஹ்ரா, லலிதா தனஞ்செயன், பி பிரதீப் ஆகியோர் இணைந்து தயாரித்திருக்கிறார்கள்.

ஜூலையில் வெளியிட திட்டமிடப்பட்ட இந்த திரைப்படம் பொருத்தமான வெளியீட்டு திகதி கிடைக்காததால் ஓகஸ்ட் இரண்டாம் திகதியன்று இந்த திரைப்படம் படமாளிகையில் வெளியாகிறது.

இந்தத் திரைப்படம் வணிக ரீதியாகவும், விமர்சன ரீதியாகவும் பாரிய வெற்றியை பெற்றால் மட்டும் தான் விஜய் ஆண்டனியின் சந்தை மதிப்பு நீடிக்கும் என திரையுலக வணிகர்கள் சுட்டிக்காட்டி இருக்கிறார்கள் என்பது கவனிக்கத்தக்கது.