தவறவிடாதீர்கள்..!உடனே பதிவு செய்யுங்கள்

குருணாகல் பிரதேசத்தில் குளியாப்பிட்டிய பொலிஸ் பிரிவுக்கு உட்பட்ட  கிரிந்தவ - யாயவத்தை வீதியில் நேற்று (7) ஞாயிற்றுக்கிழமை இடம்பெற்ற விபத்தில் ஒருவர் உயிரிழந்துள்ளதாக குளியாப்பிட்டிய பொலிஸார் தெரிவித்தனர்.

கிரிந்தவ பிரதேசத்தைச் சேர்ந்த நபரொருவரே உயிரிழந்துள்ளார்.

யாயவத்தையிலிருந்து கிரிந்தவ நோக்கிப் பயணித்த மோட்டார் சைக்கிள் ஒன்று அதே திசையில் பயணித்த மற்றுமொரு மோட்டார் சைக்கிளின் பின்புறத்தில் மோதியதில் இந்த விபத்து இடம்பெற்றுள்ளது.

விபத்தின் போது இரு  மோட்டார் சைக்கிள்களின் செலுத்துனர்களும் காயமடைந்துள்ள நிலையில் குளியாப்பிட்டிய வைத்தியசாலையில் அனுமதிக்கப்பட்ட பின்னர், ஒருவர் மேலதிக சிகிச்சைக்காக குருணாகல் வைத்தியசாலைக்கு மாற்றப்பட்ட பின்னர் உயிரிழந்துள்ளதாக பொலிஸார் தெரிவித்தனர்.

இது தொடர்பான மேலதிக விசாரணைகளை குளியாப்பிட்டிய பொலிஸார் மேற்கொண்டு வருகின்றனர்.