'மக்கள் செல்வன்' விஜய் சேதுபதி வெளியிட்ட பிரஜினின் 'ராஞ்சா' பட பர்ஸ்ட் லுக்

06 Jul, 2024 | 05:31 PM
image

தமிழ் சினிமாவின் நட்சத்திர நடிகர் என்ற அடையாளத்தை பெறுவதற்காக கடுமையாக போராடி வரும் நடிகர் பிரஜின் கதையின் நாயகனாக நடித்திருக்கும் 'ராஞ்சா' எனும் படத்தின் ஃபர்ஸ்ட் லுக் வெளியிடப்பட்டிருக்கிறது. இதனை 'மக்கள் செல்வன்' விஜய் சேதுபதி, 'கிராமத்து நாயகன்' சசிகுமார், இயக்குநரும், நடிகருமான சமுத்திரக்கனி ஆகியோர் இணைந்து அவர்களது சமூக வலைதள பக்கத்தில் வெளியிட்டு படக் குழுவினருக்கு வாழ்த்து தெரிவித்திருக்கிறார்கள்.  

இயக்குநர் சந்தோஷ் ராவணன் இயக்கத்தில் உருவாகி வரும் 'ராஞ்சா' எனும் திரைப்படத்தில் பிரஜின், இவானா அருண், அதிரன் உள்ளிட்ட பலர் நடித்திருக்கிறார்கள். கிஷோர் ராமச்சந்திரன் ஒளிப்பதிவு செய்திருக்கும் இந்த திரைப்படத்திற்கு எஸ். ஆர். ஹரி இசையமைத்திருக்கிறார். இந்த திரைப்படத்தை ஸ்ரீ கிரிஷ் பிக்சர்ஸ் மற்றும் திருக்குமரன் என்டர்டெய்ன்மென்ட் ஆகிய பட நிறுவனங்கள் சார்பில் தயாரிப்பாளர்கள் கே. சாம்பசிவம் மற்றும் சி. வி. குமார் ஆகியோர் இணைந்து தயாரித்திருக்கிறார்கள். 

இப்படத்தின் படப்பிடிப்பு பணிகள் நிறைவடைந்து தற்போது படப்பிடிப்புக்கு பிந்தைய தொழில்நுட்ப பணிகள் விறுவிறுப்பாக நடைபெற்று வருகிறது. இந்நிலையில் இப்படத்தின் ஃபர்ஸ்ட் லுக் வெளியிடப்பட்டிருக்கிறது. ஃபர்ஸ்ட் லுக்கில் இது பேய் படம் என தெரிய வருவதால் ரசிகர்களிடத்தில் வழக்கமான எதிர்பார்ப்பு ஏற்பட்டிருக்கிறது.

முக்கிய செய்திகள்

icon-left
icon-right