தவறவிடாதீர்கள்..!உடனே பதிவு செய்யுங்கள்

மலேசியாவில் கோலாலம்பூர் சர்வதேச விமான நிலையத்தில் வியாழக்கிழமை (04) விமான பராமரிப்பு பகுதியில் இரசாயனக் கசிவு ஏற்பட்டதில் 39 பேர் பாதிக்கப்பட்டுள்ளனர்.

கோலாலம்பூர் சர்வதேச விமான நிலையத்திலுள்ள விமான பராமரிப்பு பகுதியில்  வியாழக்கிழமை அதிகாலை இரசாயனக் கசிவு ஏற்பட்டுள்ளது.

பயணிகள் முனையத்தில் இருந்து தனித்தனியாக இருக்கும் விமான பராமரிப்பு பகுதியில் இயங்கும் மூன்று நிறுவனங்களில் பணிபுரிந்தவர்கள் இரசாயனக் கசிவால் பாதிக்கப்பட்டுள்ளார்கள்.

39 பேருக்கு தலைச்சுற்றல் மற்றும் வாந்தி ஏற்பட்டுள்ளது. அதில் 14 பேர் வைத்தியசாலையில் அனுமதிக்கப்பட்டுள்ளனர்.

மெத்தில் மெர்காப்டன் என்ற இரசாயனமே கசிந்துள்ளதாக கண்டறியப்பட்டுள்ளது. இது திரவமாக்கப்பட்ட பெட்ரோலிய வாயுவில் வாசனைக்காக சேரக்கப்படுகிறது. விமான பராமரிப்பு பகுதியிலுள்ள பயன்படுத்தப்படாத தொட்டியில் இருந்து மெத்தில் மெர்காப்டன்  கசிந்துள்ளது.

கசிவு சீர் செய்யப்பட்டு தொட்டி அகற்றப்படும்  என தீயணைப்பு பிரவு தெரிவித்துள்ளது.