தவறவிடாதீர்கள்..!உடனே பதிவு செய்யுங்கள்

நடிகர் ஸ்ரீ காந்த் கதையின் நாயகனாக நடித்திருக்கும் 'மாய புத்தகம்' எனும் திரைப்படத்தின் வெளியீட்டு திகதியை படக் குழுவினர் பிரத்யேக புகைப்படத்தை வெளியிட்டு உற்சாகத்துடன் அறிவித்திருக்கிறார்கள்.

இயக்குநர் ரமா ஜெயப்பிரகாஷ் இயக்கத்தில் உருவாகி இருக்கும் 'மாய புத்தகம்' எனும் திரைப்படத்தில் ஸ்ரீ காந்த், அசோக், இளவரசு, 'ஆடுகளம்' நரேன், அபர்னதி, லோகேஷ், கே. எஸ். ஜி. வெங்கடேஷ் உள்ளிட்ட பலர் நடித்திருக்கிறார்கள்.

ஆறுமுகம் ஒளிப்பதிவு செய்திருக்கும் இந்த திரைப்படத்திற்கு ரவி விஜய் ஆனந்த் இசையமைத்திருக்கிறார்.‌ ஹாரர் திரில்லர் ஜேனரிலான இந்தத் திரைப்படத்தை ஜாக்குவார் ஸ்டுடியோஸ் நிறுவனத்தின் சார்பில் தயாரிப்பாளர் பி. வினோத் ஜெயின் தயாரித்திருக்கிறார்.

அனைத்து பணிகளும் நிறைவடைந்து வெளியீட்டிற்காக காத்திருந்த இந்த திரைப்படத்தின் வெளியீட்டு திகதியை படக் குழுவினர் அதிகாரப்பூர்வமாக அறிவித்திருக்கிறார்கள். அந்த வகையில் இந்த படம் எதிர்வரும் 19 ஆம் திகதியன்று உலகம் முழுவதும் படமாளிகையில் வெளியாகிறது. 

அமானுஷ்யம்- பேய்- ஆவி- தொடர்பான திரைப்படங்களுக்கு ரசிகர்களிடையே ஓரளவு வரவேற்பு இருப்பதால் வணிக ரீதியாக குறைந்தபட்ச அளவிலாவது வெற்றியை பெரும் எனும் நம்பிக்கையுடன் படக்குழுவினர் வெளியிடுகிறார்கள்.‌