கொழும்பில் ‘Uncover’ புகைப்படக் கண்காட்சி : ஜூலை 4இல் ஆரம்பம் 

03 Jul, 2024 | 11:54 AM
image

‘Act Now’ என்பது இலங்கை சுவிஷேசக ஐக்கியத்துவத்தின் ஒரு பிரச்சார அமைப்பாகும். இவ்வமைப்பானது குரலற்ற மக்களின் போராட்டங்களை எடுத்துக்காட்டும் நோக்கில் ‘Uncover’ எனும் தலைப்பில் புகைப்படக் கண்காட்சியொன்றை ஏற்பாடு செய்துள்ளது. 

Act Now 2018ஆம் ஆண்டளவில் ஆக்கபூர்வமான சமூக அரசியல் ஈடுபாட்டை  ஊக்குவித்து அவர்களின் ஐனநாயக உரிமைகள் மற்றும் கடமைகள் தொடர்பில் இளைஞர்களை அறிவுறுத்தும் நோக்கில் தொடங்கப்பட்டது. 

கண்காட்சியானது 2024ஆம் ஆண்டு ஜூலை மாதம் 4ஆம் திகதி முதல் 8ஆம் திகதி வரை கொழும்பு 07, லயனல் வென்ட் கலைமையத்தின் ஹரோல்ட் பீரிஸ் கலையரங்கில் மு.ப 10.00 மணி முதல் மாலை 7.30 மணி வரை நடைபெறும். 

மதம் அல்லது நம்பிக்கைக்கான சுதந்திர மீறல்கள், நில அபகரிப்பு, வலிந்து காணாமலாக்கப்பட்டோர், இராணுவமயமாக்கல் மற்றும் மலையக தமிழ்ச் சமூகம் எதிர்கொள்ளும் சவால்கள் போன்ற இலங்கையின் பிரதான ஊடகங்களில் போதுமான அளவில் பேசப்படாததும் பரவலாக ஐனநாயகத்துக்கான அச்சுறுத்தலாக அடையாளம் காணப்படாததுமான விடயங்களை இக்கண்காட்சி முன்னிலைப்படுத்தவுள்ளது. 

இக்கண்காட்சியின் தொடக்க நாளான ஜூலை மாதம் 4ஆம் திகதி “நீதியைப் பின்தொடர்தல் : கனவா அல்லது நனவா?” எனும் தலைப்பில் குழு கலந்துரையாடல் இடம்பெறும். 

இக்கலந்துரையாடலில் ‘அம்னெஸ்டி இன்டர்நெஷனல் (Amnesty International) தென் ஆசிய மண்டல ஆய்வாளராக பணியாற்றும் தியாகி ருவன்பத்திரன, ‘அடையாளம் கொள்கை ஆராய்ச்சி மையத்தின் இயக்குநர் அனுஷானி அழகராஜா, சட்டத்தரணி கௌதமன் பாலச்சந்திரன் மற்றும் மாற்றுக் கொள்கைகளுக்கான மையத்தின் மூத்த ஆராய்ச்சியாளரும் ‘விகல்ப’வின் ஆசிரியருமான  சம்பத் சமரக்கோன் ஆகியோர் கலந்துகொள்வர். 

ஜூலை 5ஆம் திகதி கண்காட்சியில் சோமீதரனின் “தாய் நிலம்” என்னும் ஆவணப்படம் திரையிடப்படும். இக்கண்காட்சியானது ஜூலை மாதம் 8ஆம் திகதி “மலையக தமிழர்களுக்கான நீதி : பாவனையும் அதன் துஷ்பிரயோகமும்" என்னும் தலைப்பிலான கலந்துரையாடலுடன் நிறைவடையும். 

முக்கிய செய்திகள்

icon-left
icon-right

தொடர்பான செய்திகள்

news-image

குளோபல் ஆர்ட்ஸ் சர்வதேச நடன திருவிழா...

2025-02-10 15:53:58
news-image

சப்ரகமுவ மாகாண ஐயப்ப ஒன்றியத்தின் அங்குரார்ப்பண...

2025-02-10 17:39:29
news-image

சர்வதேச அரேபிய சிறுத்தைகள் தினத்தை முன்னிட்டு...

2025-02-10 11:59:51
news-image

கலாபூஷணம் ஏ. பீர் முகம்மது எழுதிய...

2025-02-09 17:21:48
news-image

கண்டியில் தைப்பூச இரதோற்சவத் திருவிழா

2025-02-09 11:25:27
news-image

அன்புவழிபுரத்தில் “அடையாளம்” கவிதை நூல் அறிமுக...

2025-02-09 13:55:14
news-image

இலங்கை சட்டக் கல்லூரி சட்ட மாணவர்களின்...

2025-02-08 23:32:46
news-image

குளோபல் ஆர்ட்ஸ் சர்வதேச நடன திருவிழா...

2025-02-07 19:48:31
news-image

அமிர்தலிங்கம் மங்கையர்க்கரசி நினைவு இல்லம் மற்றும்...

2025-02-07 21:16:39
news-image

ஆழ்வாப்பிள்ளை கந்தசாமியின் பவள விழா

2025-02-07 14:34:55
news-image

சதன்யன் அசோகனின் மிருதங்க அரங்கேற்றம்

2025-02-07 14:38:23
news-image

இந்திய தொழில்நுட்ப, பொருளாதார ஒத்துழைப்பு திட்டத்தின்...

2025-02-07 11:02:30