தவறவிடாதீர்கள்..!உடனே பதிவு செய்யுங்கள்

தலவாக்கலை தனியார் பஸ்  சாரதிகள் மற்றும் நடத்துனர்கள் திடீர் பணிப்பகிஷ்கரிப்பில் ஈடுபட்டு வருவதுடன், அதற்கு ஆதரவாக தலவாக்கலை ஹட்டன் பிரதான வீதியில் சேவையில் ஈடுபடும் தனியார் பஸ்  ஊழியர்களும் இரண்டாவது நாளாக  பணிப்பகிஷ்கரிப்பில் ஈடுபட்டு வருகின்றனர். 

நுவரெலியா - தலவாக்கலை பஸ் சாரதிக்கும் நுவரெலியா - ஹட்டன் சொகுசு பஸ்  சாரதிக்கும் இடையில்  கடந்த (30) ஆம் திகதி மாலை தனிப்பட்ட முறையில் கருத்து முரண்பாடு ஏற்பட்டு பின்னர் கைகலப்பாக மாறி இருவருக்கும் இடையே மோதல் ஏற்பட்டுள்ளது. 

பின்னர் அன்று இரவு இனந்தெரியாத நபர்கள் நுவரெலியா - தலவாக்கலை பிரதான வீதியில் சேவையில் ஈடுபடும் இரண்டு பஸ்களின் முன் பக்க கண்ணாடிகளை தாக்கி  சேதப்படுததியுள்ளனர் . 

இதன் காரணமாக   இன்று செவ்வாய்க்கிழமை (02)  நுவரெலியா - ஹட்டன் பிரதான வீதியில் சேவையில் ஈடுபடும் சொகுசு பஸ்  சாரதிகளும் நடத்துனர்களும் இரண்டாவது நாளாக பணிப்பகிஷ்கரிப்பில்  ஈடுபட்டு வருகின்றனர்.   

குறித்த பணிப்பகிஷ்கரிப்பு காரணமாக பஸ் பயணங்களை மேற்கொள்ளும் பாடசாலை மாணவர்கள், ஆசிரியர்கள், ஊழியர்கள், பொதுமக்கள் என பல்வேறு தரப்பினரும் பெரும் சிரமங்களை எதிர்நோக்கி வருகின்றமை குறிப்பிடத்தக்கது.