தவறவிடாதீர்கள்..!உடனே பதிவு செய்யுங்கள்

நாட்டிய கலா மந்தீரின் இயக்குநர் 'கலாசூரி'  வாசுகி ஜெகதீஸ்வரனின் மாணவியும் திரு. திருமதி புஷ்பகௌரி ஜெகநாதனின் புதல்வியுமான குணவர்ஷிகாவின் பரதநாட்டிய அரங்கேற்றம் எதிர்வரும் ஜூலை மாதம் 6ஆம் திகதி சனிக்கிழமை மாலை 5 மணிக்கு கொழும்பு பம்பலப்பிட்டி புதிய கதிரேசன் மண்டபத்தில் நடைபெறவுள்ளது.

இந்நிகழ்வில் பிரதம விருந்தினராக உச்சநீதிமன்ற நீதிபதி எஸ்.துரைராஜா, சிறப்பு விருந்தினர்களாக  சைவ மங்கையர் வித்தியாலயத்தின் அதிபர் அருந்ததி இராஜவிஜயன் மற்றும் கல்வி வெளியீட்டுத் துறை முன்னாள் ஆணையாளர் நாயகம் சுப்பிரமணியம்பிள்ளை முரளிதரன், நிர்தனா நடனப்பள்ளியின் இயக்குநர் 'கலைமாமணி' 'பாரதகலாநிதி' சிவானந்தி ஹரிதர்ஷன் ஆகியோரும் கலந்து சிறப்பிக்கவுள்ளனர். 

அணிசேர் கலைஞர்களாக லாவண்யா ஜெயமோகன் (பாட்டு), எம்.லோகேந்திரன் (மிருதங்கம்), சிவஞானசுந்தரம் ஜூட் (புல்லாங்குழல்), நக்கீரன் கேதாரநாத் (தாள தரங்கம்), சுந்தரமூர்த்தி கோபிதாஸ் (வயலின்) ஆகியோர் கலந்துகொள்ளவுள்ளனர். 

(படப்பிடிப்பு : எஸ்.எம். சுரேந்திரன்)