தவறவிடாதீர்கள்..!உடனே பதிவு செய்யுங்கள்

கம்பஹா பிரதேசத்தில் பல்லேவெல பொலிஸ் பிரிவுக்குட்பட்ட பாதுராகொட மற்றும் கித்துல்கம பகுதிகளில் சட்டவிரோத மதுபானம் தயாரிப்பதற்கு பயன்படுத்தப்படும் கோடாவுடன் இரண்டு சந்தேக நபர்கள் நேற்று ஞாயிற்றுக்கிழமை (23)  கைது செய்யப்பட்டுள்ளதாக பல்லேவெல பொலிஸார் தெரிவித்தனர்.

பொலிஸாருக்கு கிடைத்த தகவலின் பேரில் மேற்கொள்ளப்பட்ட சுற்றிவளைப்பு நடவடிக்கையின் போது சந்தேக நபர்கள் கைது செய்யப்பட்டுள்ளனர்.

கஸ்பே மற்றும் பாதுராகொட ஆகிய பகுதிகளைச் சேர்ந்த 25 மற்றும் 31 வயதுடையவர்களே கைது செய்யப்பட்டுள்ளனர். 

சந்தேக நபர்களில் ஒருவரிடமிருந்து 2,025 லீற்றர் கோடாவும் மற்றையவரிடமிருந்து 1,215 லீற்றர் கோடாவும் கைப்பற்றப்பட்டுள்ளதாக பொலிஸார் தெரிவித்தனர்.

இது தொடர்பான மேலதிக விசாரணைகளை பல்லேவெல பொலிஸார் மேற்கொண்டு வருகின்றனர்.