தவறவிடாதீர்கள்..!உடனே பதிவு செய்யுங்கள்

பதுளை பிரதேசத்தில் பண்டாரவளை பொலிஸ் பிரிவுக்குட்பட்ட பண்டாரவளை -  எட்டம்பிட்டிய வீதியில் எட்டம்பிட்டிய வைத்தியசாலைக்கு அருகில் இடம்பெற்ற விபத்தில் ஒருவர் உயிரிழந்துள்ளதாக பண்டாரவளை பொலிஸார் தெரிவித்தனர்.

இந்த விபத்து இன்று (22) சனிக்கிழமை அதிகாலை இடம்பெற்றுள்ளது.

பண்டாரவளையிலிருந்து எட்டம்பிட்டிய நோக்கிப் பயணித்த மோட்டார் சைக்கிள் ஒன்று சாரதியின் கட்டுப்பாட்டை இழந்து வீதியை விட்டு விலகி அருகிலிருந்த சுவரொன்றில் மோதியதில் இந்த விபத்து இடம்பெற்றுள்ளது.

விபத்தின் போது மோட்டார் சைக்கிள் சாரதி படுகாயமடைந்த நிலையில் பண்டாரவளை வைத்தியசாலையில் அனுமதிக்கப்பட்ட பின்னர் உயிரிழந்துள்ளதாக பொலிஸார் தெரிவித்தனர்.

பதுளை, பண்டாரவளை பகுதியைச் சேர்ந்த 59 வயதுடைய நபரொருவரே இவ்வாறு உயிரிழந்துள்ளார்.

உயிரிழந்தவரது சடலம் பண்டாரவளை வைத்தியசாலையில் வைக்கப்பட்டுள்ளதாக பொலிஸார் தெரிவித்தனர்.

இது தொடர்பான மேலதிக விசாரணைகளை பண்டாரவளை பொலிஸார் மேற்கொண்டு வருகின்றனர்.