தவறவிடாதீர்கள்..!உடனே பதிவு செய்யுங்கள்

கஹதுடுவ பொலிஸ் பிரிவுக்குட்பட்ட கஹதுடுவ - ஜம்புகஸ்முல்ல வீதியில் இடம்பெற்ற விபத்தில் வயோதிபப் பெண் ஒருவர் உயிரிழந்துள்ளதாக கஹதுடுவ பொலிஸார் தெரிவித்தனர்.

இந்த விபத்து நேற்று (19) புதன்கிழமை இடம்பெற்றுள்ளது. 

கஹதுடுவயிலிருந்து ஜம்புகஸ்முல்ல நோக்கிப் பயணித்த முச்சக்கரவண்டி ஒன்று அதே திசையில் பயணித்த மற்றுமொரு முச்சக்கரவண்டியை முன்நோக்கிச் செல்ல முயன்ற போது வீதியில் பயணித்த வயோதிபப் பெண் ஒருவர் மீது மோதியதில் இந்த விபத்து இடம்பெற்றுள்ளது.

விபத்தின் போது படுகாயமடைந்த வயோதிபப் பெண் வைத்தியசாலையில் அனுமதிக்கப்பட்ட பின்னர் உயிரிழந்துள்ளார்.

கஹதுடுவ பிரதேசத்தைச் சேர்ந்த 72 வயதுடைய வயோதிபப் பெண்ணொருவரே இவ்வாறு உயிரிழந்துள்ளார்.

உயிரிழந்தவரது சடலம் ஹோமாகமை வைத்தியசாலையில் வைக்கப்பட்டுள்ளதாக பொலிஸார் தெரிவித்தனர்.

இது தொடர்பான மேலதிக விசாரணைகளை கஹதுடுவ பொலிஸார் மேற்கொண்டு வருகின்றனர்.