தவறவிடாதீர்கள்..!உடனே பதிவு செய்யுங்கள்

தெலுங்கு மற்றும் தமிழ் ரசிகர்களுக்கு அறிமுகமான நடிகர் நவீன் சந்திரா கதையின் நாயகனாக கம்பீரமான காவல்துறை அதிகாரி வேடத்தில் நடித்திருக்கும் 'லெவன்' எனும் திரைப்படத்தின் டீஸர் வெளியிடப்பட்டிருக்கிறது.

அறிமுக இயக்குநர் லோகேஷ் அஜில்ஸ் இயக்கத்தில் உருவாகி இருக்கும் 'லெவன்' எனும் திரைப்படத்தில் நவீன் சந்திரா, ரியா ஹரி,  சஷாங்க், அபிராமி, திலீபன், ரித்விகா, 'ஆடுகளம்' நரேன், ரவிவர்மா, அர்ஜய் உள்ளிட்ட பலர் நடித்திருக்கிறார்கள். கார்த்திக் அசோகன் ஒளிப்பதிவு செய்திருக்கும் இந்த திரைப்படத்திற்கு டி. இமான் இசையமைத்திருக்கிறார். கிரைம் திரில்லர் ஜேனரிலான இந்தத் திரைப்படத்தை ஏ ஆர் என்டர்டெய்ன்மென்ட் பட நிறுவனம் சார்பில் தயாரிப்பாளர்கள் அஜ்மல் கான் மற்றும் ரியா ஹரி ஆகியோர் இணைந்து தயாரித்திருக்கிறார்கள்.

இந்த திரைப்படத்தின் படப்பிடிப்பு பணிகள் முழுமையாக நிறைவடைந்து தற்போது படப்பிடிப்புக்கு பிந்தைய தொழில்நுட்ப பணிகள் விறுவிறுப்பாக நடைபெற்று வருகிறது. இந்நிலையில் இப்படத்தின் டீசர் வெளியிடப்பட்டிருக்கிறது. இதில் கொலை வழக்குகளில் சிறப்பாக புலனாய்வு செய்து கொலையாளியை கண்டறியும் ரஞ்சித் குமார் என்னும் காவல்துறை அதிகாரி வேடத்தில் கதையின் நாயகனாக நவீன் சந்திரா தோன்றுகிறார். அவருக்கு சவாலை அளிக்கும் கொலை வழக்கு ஒன்றை துப்பு துலக்கும் காட்சிகள் விறுவிறுப்பாக இடம் பிடித்திருப்பதால் இந்த டீஸர் ரசிகர்களை வெகுவாக கவர்ந்திருக்கிறது.‌