தவறவிடாதீர்கள்..!உடனே பதிவு செய்யுங்கள்

'நடன புயல்' பிரபுதேவா கதையின் நாயகனாக முதன்மையான கதாபாத்திரத்தில் நடித்திருக்கும் புதிய திரைப்படத்திற்கு, 'மூன் வாக்' என பெயரிடப்பட்டு, அதன் டைட்டில் லுக் வெளியிடப்பட்டிருக்கிறது.

அறிமுக இயக்குநர் மனோஜ் என். எஸ். இயக்கத்தில் உருவாகி இருக்கும் மூன் வாக் எனும் திரைப்படத்தில் பிரபுதேவா, யோகி பாபு, அஜு வர்கீஸ், அர்ஜுன் அசோகன், ரெடின் கிங்ஸ்லி, சிங்கம் புலி, மொட்டை ராஜேந்திரன் உள்ளிட்ட பல நடித்திருக்கிறார்கள்.

அனூப் வி சைலஜா ஒளிப்பதிவு செய்திருக்கும் இந்த திரைப்படத்திற்கு 'இசை புயல்' ஏ. ஆர். ரஹ்மான் இசையமைத்திருக்கிறார்.‌  இந்தத் திரைப்படத்தை தயாரிப்பாளர் மனோஜ் -திவ்யா மனோஜ்- பிரவீண் எலாக் ஆகியோர் இணைந்து தயாரித்திருக்கிறார்கள்.

இந்தத் திரைப்படத்தின் படப்பிடிப்பு பணிகள் நிறைவடைந்து தற்போது படப்பிடிப்புக்கு பிந்தைய தொழில்நுட்ப பணிகள் விறுவிறுப்பாக நடைபெற்று வருகிறது. இந்நிலையில் இப்படத்தின் டைட்டில் லுக் வெளியிடப்பட்டிருக்கிறது.

'மூன் வாக்' என பெயரிடப்பட்டிருக்கும் இந்த டைட்டிலும், அதற்காக வடிவமைக்கப்பட்ட பின்னணி மற்றும் வண்ணம் வித்தியாசமாக‌ இருப்பதால் ரசிகர்களை வெகுவாக கவர்ந்திருக்கிறது.