தவறவிடாதீர்கள்..!உடனே பதிவு செய்யுங்கள்

இந்தியாவில் மட்டுமல்லாமல் உலக அளவில் பொப் மற்றும் றாப் இசை பாடல்களில் பிரபலமாக இருப்பவர் வட இந்திய மாநில பஞ்சாப்பை சேர்ந்த தில்ஜித் தோசந்த்.

இவரது குரலுக்கும், நடனத்திற்கும் மயங்காத இசை ரசிகர்களே இல்லை என சொல்லலாம். இவர் 'ரெபல் ஸ்டார்' பிரபாஸ் நடிப்பில் தயாராகி இருக்கும் 'கல்கி 2898 கி பி ' படத்தில் ஒரு பாடலை பாடியிருப்பதுடன்,  பிரபாசுடன் இணைந்து அந்தப் பாடலுக்கு நடனமாடி இருக்கிறார்.  'பைரவா ஆந்தம்' எனும் அந்தப் பாடல் இணையத்தில் வெளியான குறுகிய கால அவகாசத்திற்குள் பத்து மில்லியனுக்கு ம் மேற்பட்ட பார்வையாளர்களால் பார்வையிடப்பட்டு சாதனை படைத்து வருகிறது.

இயக்குநர் நாக் அஸ்வின் இயக்கத்தில் பிரபாஸ், அமிதாப்பச்சன், கமல்ஹாசன், தீபிகா படுகோன், திஷா படானி உள்ளிட்ட பலர் நடித்திருக்கும் இந்தத் திரைப்படத்தை வைஜெயந்தி மூவிஸ் நிறுவனம் தயாரித்திருக்கிறது.

இம்மாதம் 27 ஆம் திகதியன்று உலகம் முழுவதும் பட மாளிகையில் தமிழ், தெலுங்கு, மலையாளம், கன்னடம், இந்தி ஆகிய மொழிகளில் வெளியாகவிருக்கும் இந்த திரைப்படத்தில் இடம்பெற்ற 'பைரவா ஆந்தம்' எனும் பாடலும், பாடலுக்கான காணொளியும் வெளியிடப்பட்டிருக்கிறது.

இசையமைப்பாளர் சந்தோஷ் நாராயணன் இசையில் உருவான இந்த பாடலை பாடலாசிரியர் குமார் எழுத, பிரபல பாடகர் தில்ஜித் தோசந்த்  மற்றும் விஜய் நாராயணன் ஆகியோர் பாடியிருக்கிறார்கள்.

இந்த பாடலுக்கான காணொளியில் .எதிர்காலத்தில் காசி எனும் நகரத்தின் இருள் சூழப்பட்ட பகுதியின் பின்னணியில் பாடல் காட்சி படமாக்கப்பட்டிருக்கிறது. தில்ஜித் தோஷத்தின் மயக்கும் குரல் - மாயாஜாலம் காட்டும் நடனத்துடன் அமைந்த இந்தப் பாடலை ரசிகர்கள் ஆரவாரத்துடன் மீண்டும் மீண்டும் கண்டு ரசித்து வருகிறார்கள்.

ரசிகர்களின் விருப்பத்தையும், ரசனையையும் ஒன்றிணைத்து  பாடல்களை வழங்கி, பிரம்மாண்ட வெற்றிக்காக சொல்லி அடிக்கும் பிரபாஸ் - தில்ஜித் கூட்டணியை திரையுலக வணிகர்கள் வரவேற்றிருக்கிறார்கள்.‌