தவறவிடாதீர்கள்..!உடனே பதிவு செய்யுங்கள்

வர்த்தகரைக் கடத்திய குற்றச்சாட்டில் கைதுசெய்யப்பட்ட பெந்தோட்டை பிரதேச சபையின் முன்னாள் தலைவர் கயான் சிறிமான்ன விளக்கமறியலில் வைக்கப்பட்டுள்ளார்.

கோட்டே,  மாதிவெல பிரதேசத்தில் வைத்து வர்த்தகர் ஒருவரை தாக்கிக் கடத்திய சம்பவம் தொடர்பில் கைதுசெய்யப்பட்ட  பெந்தோட்டை பிரதேச சபையின் முன்னாள் தலைவர் கயான் சிறிமான்னவை நுகேகொட பதில் நீதிவான் முன்னிலையில் ஆஜர்படுத்திய போதே அவரை எதிர்வரும் 26 ஆம் திகதி வரை விளக்கமறியலில் வைக்குமாறு உத்தரவு பிறப்பிக்கப்பட்டது.

ஞாயிற்றுக்கிழமை (16) பெந்தோட்டை பிரதேச சபையின் முன்னாள் தலைவர் கயான் சிறிமான்ன உள்ளிட்ட 8 பேர் கோட்டே,  மாதிவெல பிரதேசத்தில் வைத்து வர்த்தகர் ஒருவரைத் தாக்கி, கடத்திச் சென்றுள்ளனர்.

இதேவேளை, பெந்தோட்டை பிரதேச சபையின் முன்னாள் தலைவர் கயான் சிறிமான்ன தனது ஜீப்பில் கடத்தலை மேற்கொண்டமை சி.சி.ரி.வி. காணொளி காட்சிகளில்  பதிவாகியுள்ளதாக பொலிஸார் தெரிவித்துள்ளமை குறிப்பிடத்தக்கது.