தவறவிடாதீர்கள்..!உடனே பதிவு செய்யுங்கள்

ஜனாதிபதி தேர்தலில் பரிசோதனை முயற்சி ஒன்றை செய்து இன்னொரு தடவை கேட்டு சாப்பிடுவதா என்பதை மக்கள் தீர்மானிக்க  வேண்டும். நாட்டின் பொருளாதாரம் வீழ்ச்சியடைந்து சிக்கல்கள் உருவாகியுள்ள இவ்வேளையில் மேலும் பல சோதனைகளுக்குச் சென்று இன்னொரு தடவை  கேட்டு சாப்பிடுவதா என்பதை மக்கள் தீர்மானிக்க வேண்டும் என நகர அபிவிருத்தி மற்றும் வீடமைப்பு அமைச்சர் பிரசன்ன ரணதுங்க வலியுறுத்துகின்றார்.

தற்போதைய ஜனாதிபதியின் வேலைத்திட்டத்தை தொடர்வதன் மூலம் நாட்டை பொருளாதார நெருக்கடியில் இருந்து மீளச்செய்ய முடியும் எனவும், பரிசோதனை முயற்சி ஒன்றை செய்து பார்க்கப் பொருத்தமான சூழல் நாட்டில் இல்லை என்பதால் ரணில் விக்ரமசிங்கவை மீண்டும் ஜனாதிபதியாக பதவியில் அமர்த்துவதை தவிர வேறு வழியில்லை எனவும் ஐக்கிய மக்கள் சக்தி மற்றும் தேசிய மக்கள் சக்தியின் தலைவர்கள் மறைமுகமாக ஏற்றுக்கொண்டுள்ளனர்.

மினுவாங்கொடை பிரதேசத்தில் ஞாயிற்றுக்கிழமை (16) இடம்பெற்ற கூட்டத்தில் கலந்து கொண்டதன் பின்னர் ஊடகவியலாளர்கள் எழுப்பிய கேள்விகளுக்கு பதிலளிக்கும் போதே அமைச்சர் மேற்கண்டவாறு தெரிவித்தார்.

ஊடகவியலாளர்கள் அமைச்சரிடம் கேட்ட கேள்விகளும் அதற்கு அவர் அளித்த பதில்களும் வருமாறு.

கேள்வி - அமைச்சரே, தேர்தல் நடக்குமா?

பதில் - ஆம், நிச்சயமாக தேர்தல் நடத்தப்பட வேண்டும். அரசியலமைப்பு ரீதியாக இந்த வருடமே ஜனாதிபதி தேர்தல் நடத்தப்பட வேண்டும்.

கேள்வி - தேர்தல் இல்லை போல் தான் எங்களுக்கு தெரிகிறது.  இது பொய் சொல்லும் செயலா?

பதில் - அதுதான் இந்த நாட்டில் நடந்துள்ளது. பொய்கள் ஆட்சி செய்ய முயல்கின்றன. சில அரசியல் கட்சிகள் பொய் சொல்லி, உலக நாடுகள் முழுவதும் சுற்றி திரிந்து மக்களுக்கு பொய் கயிறுகளைக் கொடுத்து புதிய படங்களை உருவாக்குகின்றனர். அதுதான் இந்த நாட்டில் தினமும் நடக்கிறது. அதனால் தான் இந்த நாடு பின்னோக்கி சென்றுள்ளது.

கேள்வி - மொட்டுக் கட்சியில் இருந்து  ஜனாதிபதித் தேர்தலில் போட்டியிடுவாரா?

பதில் - ஒரு வேட்பாளருக்கு உதவ மொட்டு கட்சி  தயாராக உள்ளார்.

கேள்வி - அது யார்?

பதில்: நான் முன்பே கூறியுள்ளேன். தனிப்பட்ட முறையில் ரணில் விக்கிரமசிங்க முன்வந்தால் எனக்குப் பிடிக்கும். அவருக்கு அனுபவம், சர்வதேச தொடர்புகள் உள்ளன. எல்லாவற்றிற்கும் மேலாக, இந்த குறுகிய காலத்தில் அவர் நாட்டுக்காக ஏதாவது செய்துள்ளார். மக்கள் சவால்களை ஏற்க அஞ்சும்போது, சவாலை ஏற்று உழைத்தார். நாட்டைப் பற்றி சிந்தித்து நான் எனது அறிக்கையை வெளியிட்டேன். இந்த நேரத்தில் அவர் நாட்டுக்கு சரியான தலைவர் என்று நினைக்கிறேன்.

கேள்வி - மொட்டு கட்சியில் சிலருக்கு ரணில் விக்கிரமசிங்கவுடன் விரும்பவில்லையே?

பதில் - அப்படித்தான். மகிந்த இருந்த போதும் நெருக்கடிகள் இருந்தன. பிரேமதாசா கேட்டபோதும் ஜே.ஆர். கேட்டபோதும் நெருக்கடிகள் இருந்தன. அரசியலில் நாம் அனைவரும் விரும்பப்படுவதில்லை. அப்படி விரும்பப்படுபவர்களும் உண்டு. முன்பு எனக்கி ரணில் விக்கிரமசிங்கவை  பிடிக்கவில்லை. ஆனால் செய்வதற்கு ஒன்றுமில்லை. நாட்டைப் பற்றி சிந்தித்து காலத்திற்கு ஏற்றவாறு முடிவுகளை எடுக்க வேண்டும்.

கேள்வி - நாட்டில் தற்போது நிலவும் சூழ்நிலையில் மொட்டு கட்சியில் ஜனாதிபதி தேர்தலில் போட்டியிட யாரும் இல்லையே?

பதில் - ரணில் விக்கிரமசிங்க அவர்களின் செயற்பாடுகளினால் நிரூபணமான மிகவும் பொருத்தமானவர்.

கேள்வி - ரணில் விக்கிரமசிங்க அவர்கள் ஜனாதிபதி தேர்தலில் போட்டியிட்டால் வெற்றி பெறுவார் என நினைக்கிறீர்களா?

பதில் - அவர் முன்வருவாரா இல்லையா என்று மக்கள் எதிர்பர்த்து காத்திருக்கின்றனர். அவர் முன்னுக்கு வருவேன் என்று சொன்னால் எல்லோரும்  இந்த பக்கம் வந்து விடுவார்கள்.

கேள்வி - இது நிச்சயம் நடக்கும் என்று நீங்கள் கூறுகிறீர்களா?

பதில் - வரலாற்றில் இருந்து ஜனாதிபதிகள் ஒரு குறிப்பிட்ட காரணத்திற்காக நியமிக்கப்பட்டுள்ளனர். போரை வெற்றி கொள்வதற்காக நியமிக்கப்பட்டவர் மகிந்த அவர்கள். கோத்தாபய கொண்டு வரப்பட்டது தேசிய பாதுகாப்புக்கு. இந்த நேரத்தில் நாட்டில் பொருளாதார நெருக்கடி ஏற்பட்டுள்ளது. இந்த   நெருக்கடி நிலை குறித்து இரு தரப்பினரும் வாதம், விவாதம் பற்றி கலந்துரையாடினர் .  அதிலிருந்து ஓடிவிட்டதாகச் சொல்கிறார்கள். முகநூலில் இருவரும் எப்படி இணைகிறார்கள் என்று பாருங்கள். அதை செயல் மூலம் நிரூபித்த ஒரே நபர் ரணில் விக்கிரமசிங்க அவர்கள் மட்டுமே.

கேள்வி - மக்கள் விடுதலை முன்னணியின் தலைவர்  அனுரகுமார திஸாநாயக்க தேர்தல் தொடர்பில் ஜனாதிபதியுடன் கலந்துரையாடியுள்ளாரா?

பதில் - அது எனக்கு தெரியாது.

கேள்வி -  ஏதாவது பயன் உள்ளதா? ஜனாதிபதியுடன் அவரும் இணைந்துள்ளார்.

பதில் - அனுரகுமார கடந்த நல்லாட்சி காலத்தில் அலரி  மாளிகையில் பணிபுரிந்தார். ஊழல் தடுப்புக் குழுவில் அவரது செயலாளர் இருந்தார். அந்தத் தொடர்புகள் எப்படி இருக்கின்றன என்பது எங்களுக்குத் தெரியாது.

கேள்வி - ஓய்வுபெற்ற பொலிஸ் அதிகாரிகள் குழுவொன்று ஊடகவியலாளர் மாநாட்டை நடாத்தி ஈஸ்டர் தாக்குதல் தொடர்பில் பல குற்றச்சாட்டுக்களை முன்வைத்துள்ளது.

பதில் - ஈஸ்டர் தாக்குதலை நடத்தியது யார்? மக்கள் விடுதலை முன்னணி தேசிய பட்டியலில் இப்ராஹீமும் அவரது பிள்ளைகளும் இருந்தனர். அப்போது இந்த விசாரணைகளை திசை திருப்பியவர்கள் மக்கள் விடுதலை முன்னணி மேடையில் இருந்த காவல்துறை அதிகாரிகள். அப்போது அந்த சம்பவம் நடந்த போது நீர்கொழும்பு முன்னாள் பொலிஸ் அத்தியட்சகர் மேடையில் ஏறியதும் இந்த நாட்டு மக்களுக்கு சந்தேகம் ஏற்பட்டது.கோத்தபாய ராஜபக்சவுக்கு எதிரான கருத்தை உருவாக்கினர்.   நல்லாட்சி அரசாங்கத்தை பதவியில் இருந்து அகற்றி அதன் மூலம் கோத்தபாய ராஜபக்ஷவை பதவியில் இருந்து அகற்றுவதற்கான சதியா என்று மக்கள் பேசுகின்றனர்.

கேள்வி - ஒரு சட்டத்தை அமுல்படுத்துங்களேன். இருப்பது உங்கள் அரசாங்கம் தானே.

பதில் -  அதற்குத்தான் விசாரணை நடத்த ஜனாதிபதி குழுவொன்றை நியமித்துள்ளார். மக்கள் விடுதலை முன்னணியின்  வரலாற்றைப் பாருங்கள், 88/89 இல் மக்கள் எவ்வாறு கொல்லப்பட்டனர் மற்றும் நெருக்கடிக்கு இட்டுச் சென்றனர் என்பதை நினைவில் கொள்ளுங்கள். 83 கறுப்பு ஜூலையைக் கொண்டு வந்து தமிழ் மக்கள் படுகொலை செய்யப்பட்ட விதம்.அதிகாரத்தைப் பெறுவதற்கு எப்பொழுதும் திட்டமிட்டுப் பல வழிகளை கையாண்டவர்கள் அவர்கள். கர்தினால் ஆண்டகை எந்த நிலையில் இருக்கிறார் என்று தெரியவில்லை. இப்போது என்ன நடக்கிறது என்பதையும் அவர் சிந்திக்க வேண்டும். இதை யார் செய்தார்கள், ஜேவிபியுடன் தொடர்புடையவர்கள் யார் என்று கத்தோலிக்க மக்கள் இப்போது சிந்திக்க வேண்டும். இந்த விசாரணைகளால் தவறாக வழிநடத்தப்பட்டவர்களும், சம்பந்தப்பட்டவர்களும் எந்த மேடையில் நிற்கிறார்கள் என்பதை நாம் சிந்திக்க வேண்டும். அப்போது இந்த நாட்டின் எதிர்காலம் என்னவாகும் என்பதை சிந்திக்க வேண்டும்.

கேள்வி - ஜே.வி.பி.யால் இவ்வளவு காலமும் அரசாங்கத்தை அமைக்க முடியாத நிலையில், சற்று உற்று நோக்கினால், ஏன் 5 வருடங்கள் தொடருமாறு கேட்கப்படுகிறது?

பதில் - 88/89 இல் கிராமத்தில் சட்டம் கொண்டு வரப்பட்ட போது, மக்கள் கழுத்தை அறுத்து கொன்றது எனக்கு நினைவிருக்கிறது.நாட்டின் பொருளாதாரம் சீர்குலைந்து மக்கள் பிரச்சினைகளை எதிர்நோக்கும் இந்த நேரத்தில் இன்னும் சோதனைகளுக்குச் சென்று இன்னொரு தடவை கேட்டு சாப்பிடுவதா என்பதை சிந்திக்க வேண்டும். ரணில் விக்கிரமசிங்க கொண்டு வந்த வேலைத்திட்டம் முன்னெடுக்கப்பட வேண்டும் என இந்நாட்டின் புத்திஜீவிகளும் முக்கியமானவர்களும் கூறுகின்றனர். ஆனால் ஹர்ஷத் அதையே கூறுகிறார், ஜேவிபியின் அனுரகுமாரும் இந்த கொடிப் பாலத்தைக் கடப்பதைத் தவிர வேறு வழியில்லை என்று கூறுகிறார். எனவே இது பரிசோதனைக்கான நேரம் அல்ல. அதனால்தான் இப்படி இருக்க வேண்டும் என்று நான் நினைக்கிறேன்.

கேள்வி - நாட்டை கட்டியெழுப்ப கேட்கிறார்களா?

பதில் - நாட்டைக் கட்டியெழுப்ப அவர்களுக்கு என்ன அனுபவம் இருக்கிறது? திஸ்ஸமஹாராம கொடுத்து கேட்டு சாப்பிட்டார். மக்களைக் கொலை செய்து அதிகாரத்தைப் பெறுவதற்காகப் பொய் சொல்பவர்கள் சமூக ஊடகங்களில் தங்கள் பொய்களைப் பார்க்கிறார்கள். எங்கள் அரசை பற்றி எத்தனை பொய்கள் கூறப்பட்டது என்பதை சொல்லட்டும். அவர்களுக்குப் பின்னால் ஒரு சில அடிமைகள். அதற்கு சில அடிமைகள் நின்றாலும் ஜே.வி.பியும் திசைகாட்டியும் ஒன்றுதான் என்பதை இந்நாட்டு அறிவுள்ள மக்கள் புரிந்து கொள்கின்றனர்.