தவறவிடாதீர்கள்..!உடனே பதிவு செய்யுங்கள்

தமிழ் திரையுலகின் தனித்துவமான நடிப்பிற்காக புகழப்படும் நடிகர்கள் விமல் - கருணாஸ் இருவரும் கதையின் நாயகர்களாக இணைந்து நடித்திருக்கும் 'போகுமிடம் வெகுதூரமில்லை' எனும் திரைப்படத்தில் இடம்பெற்ற 'புல்லட் வண்டியிலே..' எனத் தொடங்கும் பாடலுக்கான காணொளி வெளியிடப்பட்டிருக்கிறது.

இயக்குநர் மைக்கேல் கே. ராஜா இயக்கத்தில் உருவாகி இருக்கும் 'போகுமிடம் வெகுதூரமில்லை' எனும் திரைப்படத்தில் விமல், கருணாஸ், தீபா ஷங்கர், பவன் உள்ளிட்ட பலர் நடித்திருக்கிறார்கள்.

டெமல் சேவியர் எட்வர்ட்ஸ் ஒளிப்பதிவு செய்திருக்கும் இந்த திரைப்படத்திற்கு என். ஆர். ரகுநந்தன் இசையமைத்திருக்கிறார். கிராமிய பின்னணியிலான இந்தத் திரைப்படத்தை ஷார்க் 9 பிக்சர்ஸ் பட நிறுவனம் சார்பில் தயாரிப்பாளர் சிவா கிலாரி தயாரித்திருக்கிறார்.

இந்த திரைப்படத்தின் ஃபர்ஸ்ட் லுக், டீசர், ஒரு பாடல் ஆகியவை வெளியாகி பெரும் வரவேற்பை பெற்றிருக்கிறது. இந்நிலையில் இந்த திரைப்படத்தில் இடம் பெற்ற 'புல்லட்டு வண்டியிலே ..' எனத் தொடங்கும் பாடலுக்கான காணொளி வெளியிடப்பட்டிருக்கிறது. இந்தப் பாடலை பாடலாசிரியர் ஏகாதசி எழுத, பின்னணி பாடகர்கள் மதிச்சியம் பாலா +மகாலிங்கம் +குரு அய்யாதுரை+ லதா+ ஷிவானி ஆகியோர் இணைந்து பாடியிருக்கிறார்கள். மரணம் நடைபெற்ற இடத்தில் கிராமிய கலைஞர்கள் பாடும் ஒப்பாரி பாடலைப் போல் இடம்பெற்றிருக்கும் இந்தப் பாடல் துள்ளலிசையில் அமையப்பெற்றிருப்பதால் ரசிகர்களை வெகுவாக கவர்ந்திருக்கிறது. மேலும் இந்தப் பாடல் விஜய் சேதுபதி நடிப்பில் வெளியான 'தர்மதுரை' படத்தில் இடம்பெற்ற பாடலை நினைவுபடுத்துவதாலும்... காட்சிகள் வித்தியாசமாக அமைக்கப்பட்டிருப்பதால் இந்த பாடலின் காணொளியை ரசிகர்கள் இணையத்தில் வைரலாக்கி வருகிறார்கள்.