மேற்கிந்தியத் தீவுகளுக்கு எதிரான போட்டி நியூஸிலாந்துக்கு தீர்மானமிக்கது

Published By: Vishnu

13 Jun, 2024 | 01:48 AM
image

(நெவில் அன்தனி)

ஆப்கானிஸ்தானுக்கு எதிரான தனது முதலாவது போட்டியில் தோல்வி அடைந்த நியூஸிலாந்து சி குழுவுக்கான ரி20 உலகக் கிண்ணத்தில் தனது இரண்டாவது போட்டியில் முன்னாள் சம்பியன் மேற்கிந்தியத் தீவுகளை எதிர்த்தாடவுள்ளது.

இப் போட்டி இலங்கை நேரப்படி வியாழக்கிழமை (13) காலை 6.00 மணிக்கு ஆரம்பமாகவுள்ளது.

இந்தப் போட்டியில் மேற்கிந்தியத் தீவுகள் வெற்றிபெற்றால் நான்காவது அணியாக சுப்பர் 8 சுற்றில் விளையாட தகுதிபெறும் அதேவேளை நியூஸிலாந்தின் சுப்பர் 8 சுற்று வாய்ப்பு கேள்விக்குறியாகிவிடும்.

எனவே இன்றைய போட்டியில் மேற்கிந்தியத் தீவுகளை வீழ்த்தி தனது சுப்பர் சுற்று வாய்ப்பை சற்று அதிகரித்துக்கொள்ள நியூஸிலாந்து கடுமையாக முயற்சிக்கும்.

2015க்குப் பின்னர் உலகக் கிண்ணப் போட்டிகளில் அதிசிறந்த ஆற்றல்களை வெளிப்படுத்தி வந்துள்ள நியூஸிலாந்து சர்வதேச ஒருநாள் உலகக் கிண்ணத்தில் 2015, 2019, 2023 ஆகிய வருடங்களிலும் ரி20 உலகக் கிண்ணத்தில் 2016, 2021, 2022 ஆகிய வருடங்களிலும் அரை இறுதிவரை முன்னேறியிருந்தது. அவற்றில் 3 சந்தர்ப்பங்களில் இறுதி ஆட்டத்தில் விளையாடியபோதிலும் சம்பியன் பட்டத்தை சூடவில்லை.

ஆனால், இந்த வருடம் தனது ஆரம்பப் போட்டியில் ஆப்கானிஸ்தானிடம் 84 ஓட்டங்களால் தோல்வி அடைந்த நியூஸிலாந்து முதல் சுற்றுடன் வெளியேறிவிடுமோ என்ற சந்தேகம் நிலவுகிறது.

எனவே மேற்கிந்தியத் தீவுகளுக்கு எதிரான போட்டி நியூஸிலாந்துக்கு கிட்டத்தட்ட நொக் அவுட் போட்டியாக அமையவுள்ளது.

இதன் காரணமாக நியூஸிலாந்து என்ன விலை கொடுத்தேனும் வெற்றி பெறுவதற்கு முயற்சிக்கும்.

மறுபுறத்தில் சுப்பர் 8 சுற்றில் விளையாடுவதை உறுதி செய்துகொள்வதற்காக மேற்கிந்தியத் தீவுகளும் வெற்றிக்காக முயற்சிக்கும்.

இதன் காரணமாக இந்தப் போட்டி கடைசிவரை விறுவிறுப்பாக அமையும் என எதிர்பார்க்கலாம்.

இந்த இரண்டு  அணிகளும்   சந்தித்துக்கொண்ட  19 சர்வதேச ரி20 கிரிக்கெட் போட்டிகளில் நியூஸிலாந்து 10 - 4 என்ற ஆட்டங்கள் வித்தியாசத்தில் முன்னிலையில் இருக்கிறது. 3 போட்டிகள் சமநிலையில் முடிவடைந்ததுடன் 2 போட்டிகளில் முடிவு கிட்டவில்லை.

இந்த இரண்டு அணிகளும் ஒரே ஒரு தடவை ரி20 உலகக் கிண்ணப் போட்டியில் பல்லேகலையில் 2012இல் சந்தித்துக்கொண்டபோது அப் போட்டி சமநிலையில் முடிவடைந்தது. ஆனால் மேற்கிந்தியத் தீவுகள் சுப்பர் ஓவரில் வெற்றி பெற்றிருந்தது.

அணிகள்

மேற்கிந்தியத் தீவுகள்: ப்றண்டன் கிங், ஜோன்சன் சார்ள்ஸ், நிக்கலஸ் பூரன், ரொஸ்டன் சேஸ், ரோவ்மன் பவல் (தலைவர்), ஷேர்ஃபேன் ரதஃபர்ட், அண்ட்றெ ரசல், ரொமாரியோ ஷெப்பர்ட், அக்கீல் ஹொசெய்ன், அல்ஸாரி ஜோசப், குடாகேஸ் மோட்டி.

நியூஸிலாந்து: ஃபின் அலன், டெவன் கொன்வே, கேன் வில்லியம்சன் (தலைவர்), டெரில் மிச்செல், க்ளென் பிலிப்ஸ், ஜேம்ஸ் நீஷாம், மைக்கல் ப்றேஸ்வெல், மிச்செல் சென்ட்னர், இஷ் சோதி, லொக்கி ஃபேர்கசன், ட்ரென்ட் போல்ட்.

முக்கிய செய்திகள்

icon-left
icon-right

தொடர்பான செய்திகள்

news-image

யாழ். மெய்வல்லுநர்கள் இருவர் உட்பட 10...

2024-07-20 01:04:53
news-image

மகளிர் ரி20 ஆசிய கிண்ண கிரிக்கெட்...

2024-07-19 20:45:59
news-image

அகில இலங்கை பாடசாலைகள் நீச்சல் போட்டியில் ...

2024-07-19 16:06:50
news-image

ரி20 உலகக் கிண்ண கிரிக்கெட் போட்டிகளுக்கு...

2024-07-19 14:47:26
news-image

ஆர்ஜென்டீனவில் பாலியல் குற்றச்சாட்டில் கைதான பிரெஞ்சு...

2024-07-19 15:10:11
news-image

இலங்கை வரும் இந்திய ஒரு நாள்...

2024-07-19 12:00:51
news-image

கண்டி பெல்கன்ஸ் அணிக்கு கைகொடுத்த கமிந்து,...

2024-07-19 01:54:56
news-image

எல்.பி.எல். இறுதிப் போட்டியில் கோல் மார்வல்ஸ்;...

2024-07-19 01:48:33
news-image

அண்டர்சனுக்கு பதிலாக மார்க் வூட்

2024-07-18 16:17:16
news-image

ஜப்பானிய தேசிய கால்பந்தாட்ட வீரர் பாலியல்...

2024-07-18 16:08:49
news-image

20 வயதுக்குட்பட்ட மத்திய ஆசிய பெண்கள் ...

2024-07-18 15:59:19
news-image

மேற்கு ஆசிய நேரக் கட்டுப்பாடு செஸ்...

2024-07-18 15:54:48