தவறவிடாதீர்கள்..!உடனே பதிவு செய்யுங்கள்

தமிழ் திரையுலகின் முன்னணி நட்சத்திர நடிகையான ஹன்சிகா மோத்வானி முதல் முறையாக இரட்டை வேடத்தில் கதையின் நாயகியாக நடித்திருக்கும் 'காந்தாரி' எனும் திரைப்படம் எதிர்வரும் ஜூலை மாதம் வெளியாகும் என படக் குழுவினர் பிரத்யேக புகைப்படத்தை வெளியிட்டு அறிவித்திருக்கிறார்கள்.

தயாரிப்பாளரும், இயக்குநருமான ஆர். கண்ணன் இயக்கத்தில் உருவாகி இருக்கும் 'காந்தாரி' எனும் திரைப்படத்தில் ஹன்சிகா மோத்வானி கதையின் நாயகியாக நடித்திருக்கிறார். பாலசுப்பிரமணியம் ஒளிப்பதிவு செய்திருக்கும் இந்த திரைப்படத்திற்கு எல். வி. முத்து கணேஷ் இசையமைத்திருக்கிறார். ஹாரர் வகையிலான இந்த திரைப்படத்தை மசாலா பிக்ஸ் பட நிறுவனத்தின் மூலம் இயக்குநர் ஆர். கண்ணன் தயாரித்திருக்கிறார்.

இந்த திரைப்படத்தின் படப்பிடிப்பு பணிகள் நிறைவடைந்து படப்பிடிப்புக்கு பிந்தைய பணிகள் விறுவிறுப்பாக நடைபெற்று வருகிறது. இந்நிலையில் இந்தத் திரைப்படம் எதிர்வரும் ஜூலை மாதம் வெளியிட திட்டமிடப்பட்டு வருவதாக படக்குழுவினர் உற்சாகமாக தெரிவித்திருக்கிறார்கள்.

இதனிடையே இந்த திரைப்படத்தில் ஹன்சிகா மோத்வானி நரிக்குறவர் இன பெண்மணியாக தோன்றுகிறார் என்றும், இவை ரசிகர்களுக்கு புதுவித அனுபவமாக இருக்கும் என்றும் பட குழுவினர் தெரிவித்துள்ளனர்.