தவறவிடாதீர்கள்..!உடனே பதிவு செய்யுங்கள்

கொலை உள்ளிட்ட பல்வேறு குற்றச் செயல்களுடன் தொடர்புடைய சந்தேக நபரொருவர் தனமல்வில பொலிஸாரால் நேற்று (30) கைது செய்யப்பட்டுள்ளார்.

பொலிஸாருக்கு கிடைத்த தகவலின் பேரில் தனமல்வில பொலிஸ் பிரிவிற்குட்பட்ட நிகவெவ பகுதியில்  மேற்கொள்ளப்பட்ட சுற்றிவளைப்பின் போதே சந்தேக நபர் கைது செய்யப்பட்டுள்ளார்.

அம்பலாந்தோட்டை பிரதேசத்தைச் சேர்ந்த 30 வயதுடைய நபரொருவரே இவ்வாறு கைது செய்யப்பட்டுள்ளார்.

இவர் இரத்தினபுரி பிரதேசத்தில் கடந்த 2022 ஆம் ஆண்டு டிசம்பர் மாதம் 14 ஆம் திகதி அன்று நபரொருவரை கொலை செய்துவிட்டு கார் ஒன்றை கொள்ளையிட்டுத் தப்பிச் சென்ற  சம்பவத்துடன் தொடர்புடைய பிரதான சந்தேக நபர் என்பதுடன் பல்வேறு குற்றச் செயல்களுடன் தொடர்புடையவர் என பொலிஸ் விசாரணைகளில் தெரியவந்துள்ளன.

இது தொடர்பான மேலதிக விசாரணைகளை தனமல்வில பொலிஸார் மேற்கொண்டு வருகின்றனர்.