தவறவிடாதீர்கள்..!உடனே பதிவு செய்யுங்கள்

கஹதுடுவ, வேதர வைத்தியசாலைக்கு முன்பாக பயணித்த கார் ஒன்று வீதியில் நிறுத்தி வைக்கப்பட்டிருந்த மோட்டார் சைக்கிள் மற்றும் வீதியில் பயணித்த மாணவர் ஒருவர் மீது மோதி விபத்துக்குள்ளாகியுள்ளதாக பொலிஸார் தெரிவித்தனர்.

விபத்தின் போது , இந்த காரானது வீதியில் நிறுத்தி வைக்கப்பட்டிருந்த மோட்டார் சைக்கிளுடன் மோதி முன்னோக்கி இழுத்துச் செல்லப்பட்டு அருகிலிருந்த மின்கம்பத்தில் மோதியுள்ளதாக பொலிஸார் தெரிவித்தனர்.

பிலியந்தலையிலிருந்து  கஹதுடுவ நோக்கிப் பயணித்த காரொன்றின் பின்புறத்திலிருந்த சக்கரமொன்றின் காற்று வெளியேறியதால் சாரதியால் காரை கட்டுப்படுத்த முடியாமல் இந்த விபத்து இடம்பெற்றுள்ளதாக பொலிஸார் தெரிவித்தனர்.

இந்த விபத்தின் போது 15 வயதுடைய மாணவரொருவர் காயமடைந்துள்ளதாக பொலிஸார் தெரிவித்தனர்.

காயமடைந்தவர் வேதர வைத்தியசாலையில் அனுமதிக்கப்பட்டு பின்னர் மேலதிக சிகிச்சைக்காக களுபோவில வைத்தியசாலைக்கு மாற்றப்பட்டதாக பொலிஸார் தெரிவித்தனர்.

இதனையடுத்து, 29 வயதுடைய காரின் சாரதி சந்தேகத்தின் பேரில் கைது செய்யப்பட்டுள்ளதாக பொலிஸார் மேலும் தெரிவித்தனர்.