தவறவிடாதீர்கள்..!உடனே பதிவு செய்யுங்கள்

தமிழ் சினிமாவில் வளர்ந்து வரும் நட்சத்திர நடிகர்களான பொபி சிம்ஹா மற்றும் சிரிஷ் ஆகியோருடன் முன்னணி நகைச்சுவை நட்சத்திர நடிகரான யோகி பாபு இணைந்திருக்கும் இணைந்து நடித்திருக்கும் 'நான் வயலன்ஸ்' எனும் திரைப்படத்தின் ஃபர்ஸ்ட் லுக் வெளியிடப்பட்டிருக்கிறது.

'மெட்ரோ', 'கோடியில் ஒருவன்' ஆகிய திரைப்படங்களை இயக்கிய இயக்குநர் அனந்த கிருஷ்ணன் இயக்கத்தில் உருவாகி இருக்கும் 'நான் வயலன்ஸ்' எனும் திரைப்படத்தில் பொபி சிம்ஹா, சிரிஷ், யோகி பாபு, அதிதி பாலன், கருடா ராம், ஆதித்யா கதிர் உள்ளிட்ட பலர் நடித்திருக்கிறார்கள்.

என். எஸ். உதயகுமார் ஒளிப்பதிவு செய்திருக்கும் இந்த திரைப்படத்திற்கு யுவன் சங்கர் ராஜா இசையமைத்திருக்கிறார். இந்தத் திரைப்படத்தை ஏ கே பிக்சர்ஸ் நிறுவனம் சார்பில் தயாரிப்பாளர் லேகா தயாரித்திருக்கிறார்.

இப்படத்தின் இறுதிக்கட்ட படப்பிடிப்பு தற்போது நடைபெற்று வருகிறது. விரைவில் இப்படத்தின் டீசர் வெளியிடப்படும் என படக்குழுவினர் தெரிவித்திருக்கிறார்கள். 'நான் வயலன்ஸ்' திரைப்படம் தமிழ், தெலுங்கு, மலையாளம், கன்னடம், இந்தி ஆகிய மொழிகளில் வெளியிட திட்டமிடப்பட்டிருக்கிறது.