தவறவிடாதீர்கள்..!உடனே பதிவு செய்யுங்கள்

கற்பிட்டி, கந்தகுளிய  பிரதேசத்தில்   சுமார் 23 கோடி ரூபா பெறுமதியான 23 கிலோ நிறையுடைய திமிங்கல  வாந்தியுடன்  இரண்டு மீனவர்கள் கைது செய்யப்பட்டுள்ளனர் . 

கடற்படையினரின் புலனாய்வுப் பிரிவினருக்குக் கிடைத்த தகவலின் அடிப்படையில்  இந்த மீனவர்கள் இன்று புதன்கிழமை (29) அதிகாலை கைது செய்யப்பட்டுள்ளனர்.   

கைதான  மீனவர்கள் கந்தகுளி  பிரதேசத்தைச் சேர்ந்த  40 வயதுடையவர்கள் என பொலிஸார் தெரிவித்தனர் . 

இந்த மீனவர்கள் கடலில் மிதந்த திமிங்கல வாந்தியை இரகசியமான முறையில் எடுத்துச் சென்றமை விசாரணையில் தெரியவந்துள்ளது.  

மீனவர்களிடமிருந்த  திமிங்கல  வாந்தியை பொலிஸார்  கைப்பற்றியுள்ளதுடன்  மேலதிக விசாரணைகள்  மேற்கொள்ளப்பட்டு  வருகிறது  .