தவறவிடாதீர்கள்..!உடனே பதிவு செய்யுங்கள்

களுத்துறை, “கலமுல்ல தசி “ என்பவர் சுட்டுக் கொல்லப்பட்ட சம்பவம் தொடர்பில் விளக்கமறியலில் வைக்கப்பட்டிருந்த சந்தேகநபர் நேற்று திங்கட்கிழமை (27) திடீரென உயிரிழந்துள்ளதாக களுத்துறை வடக்கு பொலிஸார் தெரிவித்துள்ளனர்.

தெபுவன, பலப்பிட்டிய கொடை பிரதேசத்தைச் சேர்ந்த துஷார ருக்மால் சில்வா என்பரே சிறைச்சாலையில் உயிரிழந்துள்ளார்.

இவர் கொலைக் குற்றச்சாட்டின் கீழ் கைது  செய்யப்பட்டு, கடந்த 25 ஆம் திகதி களுத்துறை நீதவான்  நீதிமன்றத்தில்  ஆஜர்படுத்திய பின்னர் விளக்கமறியலில் வைக்கப்பட்டதாக பொலிஸார் தெரிவித்துள்ளனர்.

மேலும், திடீர் சுகயீனம் காரணமாக களுத்துறை நாகொடை வைத்தியசாலையில் அனுமதிக்கப்பட்ட கைதி உயிரிழந்துள்ளதாக பொலிஸார் தெரிவித்துள்ளனர்.