தவறவிடாதீர்கள்..!உடனே பதிவு செய்யுங்கள்

அஹுங்கல்ல துப்பாக்கிச் சூட்டு சம்பவத்துடன் தொடர்புடைய சந்தேகநபர் ஒருவர் கைது செய்யப்பட்டுள்ளாதாக பொலிஸார் தெரிவித்துள்ளனர்.

கொஸ்கொடை பொலிஸாரினால் நேற்று ஞாயிற்றுக்கிழமை (26) பெந்தர கஹ்பிலியாகந்த பிரதேசத்தில் வைத்து சந்தேக நபர் கைது செய்யப்பட்டுள்ளார்.

இதன் போது, சந்தேகநபரிடமிருந்து 03 கிராம் 410 மில்லிகிராம் ஹெரோயின்  போதைப்பொருள்  கைப்பற்றப்பட்டுள்ளதாக  பொலிஸார் தெரிவித்துள்ளனர்.

சந்தேகநபர் நில்லபதன பிரதேசத்தைச் சேர்ந்த 36 வயதுடையவராவார்.

மேலும், கடந்த 08ஆம் திகதி அஹுங்கல்ல பொலிஸ் பிரிவிற்குட்பட்ட  அஹுங்கல்ல  போகஹாபிட்டிய பிரதேசத்தில்  மோட்டார் சைக்கிளில் சென்ற இனந்தெரியாத இருவர் வீடொன்றிற்குள் அத்துமீறி நுழைந்து அங்கிருந்த நபரொருவரை சுட்டுக் கொலை செய்துள்ளமை குறிப்பிடத்தக்கது.