திருகோணமலையில் அமரர் நந்தினி சேவியற்றின் 75ஆவது பிறந்த தின நிகழ்வு அனுஷ்டிப்பு 

25 May, 2024 | 11:32 PM
image

பிரபல எழுத்தாளர் அமரர் நந்தினி சேவியற்றின் 75ஆவது பிறந்தநாள் நினைவுதினம் "எண்ணம் போல் வாழ்க்கை" அமைப்பினால் இன்று சனிக்கிழமை (25) நடத்தப்பட்டது.

திருகோணமலை நகராட்சி மன்ற பொது நூலக கேட்போர் கூடத்தில் க.தீபகாந்தன் தலைமையில் நினைவுச் சுடரேற்றி விழா ஆரம்பமானது.

சிறுகதை, நாவல், குறுநாவல், கவிதை விமர்சனம் என பல தளங்களில் நின்று  செயற்பட்டவர்.

அதுமட்டுமின்றி ஈழத்து இலக்கிய வரலாறு  நூல் எழுதப்படல் வேண்டும் என்ற கொள்கையில் நின்றுழைத்த இலக்கிய ஆளுமை அவர்.

இடதுசாரிச் சிந்தனை கொண்ட சண்முதாசனின் சீனச் சார்புடைய அணியில் இணைந்து செயற்பட்டவர்.

தமிழக எழுத்தாளர் நா.பார்த்தசாரதி போன்றோருடைய ஈழம் பற்றிய விமர்சனங்களுக்கு பதிலடி கொடுக்க புறப்பட்ட கதிர்காமநாதன், பெனடிக்பாலன் கதிர்காமநாதன், டானியல் போன்றோருடன் இணைந்து இலக்கியம் படைத்தவர்.

சாதியத்தை எதிர்த்தவர்களில் இவருடைய பங்கு குறிப்பிடத்தக்கது.தனக்குச் சரியெனப்பட்டதை துணிந்து எழுதிய எழுத்தாளர். தனது கதாபாத்திரங்களை விளிம்பு நிலை மக்களிடமிருந்தே தெரிவுசெய்த எழுத்தாளர்.

திருமலை நவம், ஷெல்லிதாசன் போன்ற வர்களுடன் இணைந்து செயற்பட்ட ஒருவர்  இவருடைய "தவனம்" சிறுகதை ஆடிக் கலவரத்தை அப்படியே படம் பிடித்துக்  காட்டுகிறது.

பல விருதுகளுக்குச் சொந்தக்காரரான இவர் தன்னடக்கம் கொண்டவராக  விளங்கினார் என பலர் தமது உரையில் குறிப்பிட்டனர்.

"கொரோனா" கொன்றொழித்தவர்களில்  இவரும் அடங்கிப் போனமை துரதிஸ்டமே அன்னார் மறைந்து போனாலும் இன்னும் இலக்கிய  உலகில் வாழ்ந்து கொண்டிருக்கிறார் என்பது மட்டும் உண்மை.

இந்நிகழ்வில் அவருடைய மனைவி முதல் சுடரினை ஏற்றினார் நிகழ்வில் எமுத்தாளர்கள் பலர் கலந்து சிறப்பித்தமை குறிப்பிடத்தக்கது.

முக்கிய செய்திகள்

icon-left
icon-right

தொடர்பான செய்திகள்

news-image

கிளிநொச்சியில் மாணவர்களுக்கான சூழலியல் விழிப்புணர்வு செயலமர்வு

2024-06-22 17:43:06
news-image

"'விதைநெற்கள்' போன்ற வாசகர்களை பார்க்கிறேன்!" -...

2024-06-22 15:38:51
news-image

தகவல் தொழில்நுட்ப ஆராய்ச்சி கருத்தரங்கிற்கு கணினி...

2024-06-22 16:41:21
news-image

25 இந்து பெருஞ்சமய அமைப்புகள், மன்றங்கள்...

2024-06-21 20:20:53
news-image

நயினாதீவு நாகபூசணி அம்மன் ஆலய தீர்த்தோற்சவம் 

2024-06-21 15:54:06
news-image

கொட்டாஞ்சேனை மத்திய இந்து மகா வித்தியாலயத்தில்...

2024-06-21 13:40:31
news-image

கொழும்பு விவேகானந்த சபையின் பன்னிரு திருமுறை...

2024-06-21 13:21:24
news-image

கரவை மு. தயாளனின் 'கரும்பலகை' நாவல்,...

2024-06-21 16:11:33
news-image

யாழ். வண்ணை ஸ்ரீ வீரமாகாளி அம்மன்...

2024-06-20 18:45:49
news-image

'ஈழத்து திருச்செந்தூர்' மட்டு. கல்லடி முருகன்...

2024-06-21 17:28:48
news-image

நயினாதீவு நாகபூசணி அம்மன் கோவில் இரதோற்சவம் 

2024-06-20 17:18:18
news-image

சிறுப்பிட்டி செல்லப்பிள்ளையார் ஆலய தேர் திருவிழா 

2024-06-20 16:56:32