தவறவிடாதீர்கள்..!உடனே பதிவு செய்யுங்கள்

ஹொரணை, கிரேஸ்லேன்வத்தை பிரதேசத்தில் கடந்த 5 ஆம் திகதி வர்த்தகர் ஒருவர் சுட்டுக் கொலை செய்யப்பட்ட சம்பவத்துடன் தொடர்புடைய பிரதான துப்பாக்கிதாரி களுத்துறை குற்றப் புலனாய்வு பிரிவினரால் கைது செய்யப்பட்டுள்ளார்.

களுத்துறை குற்றப் புலனாய்வு பிரிவினருக்குக் கிடைத்த தகவலின் பேரில் மேற்கொள்ளப்பட்ட சுற்றிவளைப்பின் போதே சந்தேக நபர் கைது செய்யப்பட்டுள்ளார்.

கொட்டாவ பிரதேசத்தில் உள்ள வாடகை வீடொன்றில் தற்காலிகமாகத் தங்கியிருந்த 31 வயதுடைய இராணுவத்திலிருந்து தப்பிச் சென்ற நபரொருவரே இவ்வாறு கைது செய்யப்பட்டுள்ளார்.

இவர் தற்காலிகமாகத் தங்கியிருந்த வாடகை வீட்டிலிருந்து மற்றுமொரு பிரதேசத்திற்குச் செல்ல முற்படும் போதே கைது செய்யப்பட்டுள்ளார்.

இது தொடர்பான மேலதிக விசாரணைகளை களுத்துறை குற்றப் புலனாய்வு பிரிவினர் மேற்கொண்டு வருகின்றனர்.