தவறவிடாதீர்கள்..!உடனே பதிவு செய்யுங்கள்

பாதுக்கை , மாவத்தகம பிரதேசத்தில் இரும்பு பொருட்களைச் சேகரிக்கும் கடையொன்றிற்குள் அத்துமீறி நுழைந்து அங்கிருந்த கடை உரிமையாளரின் மனைவி மற்றும் பணியாளர்களிடம் வாள் மற்றும் மன்னா கத்தியைக் காண்பித்து அச்சுறுத்தி நகை மற்றும் பணம் உள்ளிட்ட பொருட்களைகொள்ளையிட்டு தப்பிச் சென்ற இரண்டு சந்தேக நபர்கள் பாதுக்கை பொலிஸாரால் கைது செய்யப்பட்டுள்ளனர்.

பாதுக்கை, துன்னான பிரதேசத்தைச் சேர்ந்த இருவரே இவ்வாறு கைது செய்யப்பட்டுள்ளனர்.

விசாரணையில் சந்தேக நபர்களிடமிருந்து உள்நாட்டில் தயாரிக்கப்பட்ட இரண்டு கைகுண்டுகள் கைப்பற்றப்பட்டுள்ளதாகப் பொலிஸார் தெரிவித்தனர்.

இந்நிலையில், குறித்த கொள்ளை சம்பவத்துக்குப் பயன்படுத்தப்பட்ட மோட்டார் சைக்கிள் மற்றும் பல்வேறு ஆயுதங்களும் கைப்பற்றப்பட்டுள்ளதாகப் பொலிஸார் தெரிவித்தனர்.