தவறவிடாதீர்கள்..!உடனே பதிவு செய்யுங்கள்

அலுபோமுல்ல பொலிஸ் பிரிவிற்குற்பட்ட பாணந்துறை - இரத்தினபுரி வீதியில் பிங்கொட்டுவ பிரதேசத்தில் இடம்பெற்ற விபத்தில் ஒருவர் உயிரிழந்துள்ளதாக அலுபோமுல்ல பொலிஸார் தெரிவித்தனர்.

இந்த விபத்து நேற்று (14) செவ்வாய்க்கிழமை பிற்பகல் இடம்பெற்றுள்ளது.

அருக்கொட பிரதேசத்தைச் சேர்ந்த 44 வயதுடைய நபரொருவரே இவ்வாறு உயிரிழந்துள்ளார்.

பண்டாரகமையிலிருந்து பாணந்துறை நோக்கிப் பயணித்த கார் ஒன்று எதிர்த் திசையில் பயணித்த மோட்டார் சைக்கிள் ஒன்றுடன் மோதியதில் இந்த விபத்து இடம்பெற்றுள்ளதாக பொலிஸார் தெரிவித்தனர்.

விபத்தின் போது மோட்டார் சைக்கிளின் சாரதி படுகாயமடைந்துள்ள நிலையில் பாணந்துறை வைத்தியசாலையில் அனுமதிக்கப்பட்ட பின்னர் உயிரிழந்துள்ளதாக பொலிஸார் தெரிவித்தனர்.

இதனையடுத்து காரின் சாரதி சந்தேகத்தின் பேரில் கைது செய்யப்பட்டுள்ளதாக பொலிஸார் தெரிவித்தனர்.

உயிரிழந்தவரது சடலம் பாணந்துறை வைத்தியசாலையில் வைக்கப்பட்டுள்ள நிலையில் இது தொடர்பான மேலதிக விசாரணைகளை அலுபோமுல்ல பொலிஸார் மேற்கொண்டு வருகின்றனர்.