தவறவிடாதீர்கள்..!உடனே பதிவு செய்யுங்கள்

அஹுங்கல்ல பிரதேசத்தில் கடந்த 8 ஆம் திகதி இடம்பெற்ற துப்பாக்கிச் சூட்டுச் சம்பவத்துக்கு உதவி செய்ததாகக் கூறப்படும் சந்தேக நபரொருவர் பொலிஸ் விசேட அதிரடிப்படையினரால் நேற்று (13) கைது செய்யப்பட்டுள்ளார்.

பொலிஸ் விசேட அதிரடிப்படையினருக்குக் கிடைத்த தகவலின் பேரில் மேற்கொள்ளப்பட்ட சுற்றிவளைப்பின் போது சந்தேக நபர் கொஸ்கொட பொலிஸ் பிரிவிற்குற்பட்ட துவேமோதர பகுதியில் வைத்து கைது செய்யப்பட்டுள்ளார்.

“ஆதரே” என்று அழைக்கப்படும் நபரொருவரே இவ்வாறு கைது செய்யப்பட்டுள்ளார்.

சந்தேக நபரிடமிருந்து 1,150 மில்லி கிராம் ஹெரோயின் போதைப்பொருள் மற்றும் கையடக்கத் தொலைபேசி உள்ளிட்ட பொருட்கள் கைப்பற்றப்பட்டுள்ளதாக பொலிஸார் தெரிவித்தனர்.

இதனையடுத்து, சந்தேக நபர் மேலதிக விசாரணைகளுக்காக கொஸ்கொட பொலிஸாரிடம் ஒப்படைக்கப்பட்டுள்ளதாக பொலிஸார் மேலும் தெரிவித்தனர்.

அஹுங்கல்ல பிரதேசத்தில் கடந்த 8 ஆம் திகதி இரவு 07.00 மணியளவில் வீடொன்றில் வைத்து மேற்கொள்ளப்பட்ட துப்பாக்கிச் சூட்டுச் சம்பவத்தில் ஒருவர் உயிரிழந்துள்ள நிலையில், உயிரிழந்தவர் துபாயில் தலைமறைவாகியுள்ள பாதாள உலக குழுத் தலைவரான “அஹுங்கல்ல பபா”வின் தந்தை என்பது குறிப்பிடத்தக்கது.