தவறவிடாதீர்கள்..!உடனே பதிவு செய்யுங்கள்

சட்டவிரோதமாக இயங்கி வந்த மரக் களஞ்சியசாலையொன்றில்  100 இலட்சம்  ரூபா பெறுமதியான மரப்பலகையுடன் இரண்டு சந்தேக நபர்கள் கைது செய்யப்பட்டுள்ளனர் . 

இன்று  வெள்ளிக்கிழமை (10)  புத்தளம் வனப் பாதுகாப்பு உத்தியோகத்தர்கள் மற்றும் பொலிஸ் விசேட அதிரடிப்படை மேற்கொண்ட  சுற்றிவளைப்பில் இவை கைப்பற்றப்பட்டன. 

புத்தளம் நகரை அண்மித்த  பகுதியில் இந்த மரக் களஞ்சியசாலை சட்டவிரோதமான முறையில் சிசிரிவி கெமரா அமைப்புகளைப் பயன்படுத்தி மிகவும் பாதுகாப்பாகப் பராமரிக்கப்பட்டு வந்துள்ளது . 

இந்த மரப்பலகை செய்வதற்காகப் பயன்படுத்தப்பட்ட மரங்கள் சட்டவிரோதமான முறையில் வெட்டப்பட்டதா  என்பது தொடர்பில் விசாரணைகள் ஆரம்பிக்கப்பட்டுள்ளதாகவும் தெரிவிக்கப்படுகின்றது.

இதன்போது, மரம் வெட்டுவதற்குப் பயன்படுத்தப்பட்ட பல இயந்திரங்களும் அதிகாரிகளால் கைப்பற்றப்பட்டுள்ளன. 

இதேவேளை, இந்த களஞ்சியசாலையை நடத்தி வந்த பிரதான சந்தேக நபர் சுற்றிவளைப்பின் போது தப்பிச் சென்றுள்ளதுடன், இவரைக் கைது செய்யவதற்கான நடவடிக்கை மேற்கொள்ளப்பட்டு வருகிறது .