வெற்றிவாகை சூடிய மகளிர் ரி20 உலகக் கிண்ண தகுதியைப் பெற்ற இலங்கை அணியினர் நாடு திரும்பினர்

09 May, 2024 | 03:46 PM
image

(நெவில் அன்தனி)

ஐக்கிய அரபு இராச்சியத்தின் அபுதாபியில் நடைபெற்ற ஐசிசி மகளிர் ரி20 உலகக் கிண்ண கிரிக்கெட் போட்டியில் வெற்றிவாகை சூடிய  மகளிர் ரி 20 உலகக் கிண்ணப் போட்டியில் விளையாட தகுதிபெற்ற சமரி அத்தபத்து தலைமையிலான இலங்கை அணியினர் இன்று (09) அதிகாலை தாயகம் திரும்பினர்.

இரண்டு மாதங்களாக இரண்டு வெவ்வேறு நாடுகளில் கிரிக்கெட் தொடர்களில் விளையாடிய இலங்கை மகளிர் அணியினர் அவை இரண்டிலும் வெற்றிபெற்றமை விசேட அம்சமாகும்.

மகளிர் ரி20 உலகக் கிண்ண தகுதிகாண் சுற்றுக்கு முன்னர் தென் ஆபிரிக்காவில் இரு வகை கிரிக்கெட் தொடர்களில் இலங்கை விளையாடியிருந்தது.

தென் ஆபிரிக்காவுக்கு எதிரான மகளிர் சர்வதேச ஒருநாள் கிரிக்கெட் தொடரை 1 - 1 என சமப்படுத்திய இலங்கை, மகளிர் சர்வதேச ரி20 கிரிக்கெட் தொடரை 2 - 1 என்ற ஆட்டக் கணக்கில் தனதாக்கியது.

தென் ஆபிரிக்காவில் இருந்து நேரடியாக அபு தாபி சென்ற இலங்கை அணி, மகளிர் ரி20 உலகக் கிண்ண தகுதிகாண் சுற்றில் தான் விளையாடிய 6 போட்டிகளிலும் வெற்றியீட்டியது.

லீக் சுற்றில் தாய்லாந்து, ஸ்கொட்லாந்து, உகண்டா, ஐக்கிய அமெரிக்கா ஆகிய அணிகளையும் அரை இறுதியில் ஐக்கிய அரபு இராச்சியத்தையும் இறுதிப் போட்டியில் மீண்டும் ஸ்கொட்லாந்தையும்  இலங்கை  வெற்றிகொண்டிருந்தது.

பங்களாதேஷில் இந்த வருடம் அக்டோபர் மாதம் நடைபெறவுள்ள மகளிர் ரி20 உலகக் கிண்ண கிரிக்கெட் போட்டிக்கு முன்பதாக மேற்கிந்தியத் தீவுகள், அயர்லாந்து ஆகிய அணிகளுக்கு எதிரான இருதரப்பு தொடர்களில் இலங்கை அணி விளையாடவுள்ளது.

இதனிடையே மகளிர் ரி20 ஆசிய கிண்ண கிரிக்கெட் போட்டியில் இலங்கை பங்குபற்றவுள்ளது.

இப் போட்டிகள் அனைத்தும் மகளிர் ரி20 உலகக் கிண்ணத்திற்கு தங்களைத் தயார்படுத்திக்கொள்ள உதவும் என நாடு திரும்பியதும் பண்டாரநாயக்க சர்வதேச விமான நிலையத்தில் வைத்து சமரி அத்தபத்து கூறினார்.

ரி20 உலகக் கிண்ணத்தில் போட்டிக்கு போட்டி சிறந்த வியூகங்களையும் திட்டங்களையும் வகுத்து வெற்றிபெறுவதே தனது குறிக்கோள் என அவர் மேலும் தெரிவித்தார்.

முக்கிய செய்திகள்

icon-left
icon-right

தொடர்பான செய்திகள்

news-image

LPLஇல் நான்காவது தடவையாக முடிசூடா மன்னனானது...

2024-07-22 00:12:05
news-image

ஜெவ்னா கிங்ஸ் நான்காவது தடவையாக சம்பியனானது

2024-07-22 01:29:19
news-image

வடக்கும் தெற்கும் மோதும் லங்கா பிறீமியர்...

2024-07-21 15:57:37
news-image

இந்தியாவுக்கு எதிரான ரி20 கிரிக்கெட் தொடர்;...

2024-07-21 11:48:02
news-image

கடைசிவரை பரபரப்பை ஏற்படுத்திய 2ஆவது தகுதிகாணில்...

2024-07-20 23:50:06
news-image

மகளிர் ரி20 ஆசிய கிண்ணத்தில் விஷ்மி...

2024-07-20 22:36:30
news-image

20 வயதின் கீழ் மகளிர் மத்திய...

2024-07-20 11:44:10
news-image

இலங்கையுடனான 2ஆவது இளையோர் டெஸ்டில் இன்னிங்ஸால்...

2024-07-20 10:59:00
news-image

யாழ். மெய்வல்லுநர்கள் இருவர் உட்பட 10...

2024-07-20 01:04:53
news-image

மகளிர் ரி20 ஆசிய கிண்ண கிரிக்கெட்...

2024-07-19 20:45:59
news-image

அகில இலங்கை பாடசாலைகள் நீச்சல் போட்டியில் ...

2024-07-19 16:06:50
news-image

ரி20 உலகக் கிண்ண கிரிக்கெட் போட்டிகளுக்கு...

2024-07-19 14:47:26