தவறவிடாதீர்கள்..!உடனே பதிவு செய்யுங்கள்

உரகஸ்மன்ஹந்திய பொலிஸ் பிரிவிற்குற்பட்ட களுவலகொட பகுதியில் உள்ள வீடொன்றிலிருந்து பெண்ணின் சடலம் மீட்கப்பட்டுள்ளதாக உரகஸ்மன்ஹந்திய பொலிஸார் தெரிவித்தனர். 50 வயது பெண்ணொருவரே இவ்வாறு உயிரிழந்துள்ளார்.

இவரது சடலம் குறித்த வீட்டில் உள்ள கட்டிலொன்றில் கண்டுபிடிக்கப்பட்டுள்ள நிலையில் இவர் சில நாட்களுக்கு முன்னர் உயிரிழந்துள்ளதாகத் பொலிஸார் தெரிவித்தனர்.

இவர் தனது வீட்டில் தனியாக வசித்துவந்த நிலையில் இவரது கணவர் வேலைக்காக வெளியூர் சென்றிருப்பதாக பொலிஸ் விசாரணையில் தெரியவந்துள்ளது.

உயிரிழந்தவரது சடலம் எல்பிட்டிய வைத்தியசாலையில் வைக்கப்பட்டுள்ளதாக பொலிஸார் தெரிவித்தனர்.

இந்த சம்பவம் தொடர்பான மேலதிக விசாரணைகளை உரகஸ்மன்ஹந்திய பொலிஸார் மேற்கொண்டு வருகின்றனர்.