ஐ.பி.எல்.,இல் உபாதைக்குள்ளான பத்திரண சிகிச்சை பெறுவதற்காக நாடு திரும்பினார்

06 May, 2024 | 06:32 PM
image

(நெவில் அன்தனி)

ஐக்கிய அமெரிக்காவிலும் மேற்கிந்தியத் தீவுகளிலும் ஐசிசி ஆடவர் ரி20 உலகக் கிண்ண கிரிக்கெட் போட்டி ஆரம்பமாவதற்கு இன்னும் 3 வாரங்களே உள்ள நிலையில் இளம் வேகப்பந்துவீச்சு நட்சத்திரம் மதீஷ பத்திரண உபாதைக்குள்ளாகி இருப்பது இலங்கைக்கு பெரும் நெருக்கடியைக் கொடுத்துள்ளது.

இலங்கையின் ரி20 உலகக் கிண்ண குழாத்தில் இடம்பெறுவார் என பெரிதும் எதிர்பார்க்கப்படும் மதீஷ பத்திரண, இநதியாவில் நடைபெற்றுவரும் ஐபிஎல் போட்டியில் சென்னை சுப்பர் கிங்ஸ் அணிக்காக விளையாடி வந்தார்.

சென்னை சார்பாக இவ்வருடம் 6 போட்டிகளில் விளையாடிய மதீஷ பத்திரண, கடைசியாக கடந்த மாதம் 27ஆம் திகதி நடைபெற்ற சன்ரைசர்ஸ் ஹைதராபத் அணிக்கு எதிரான போட்டியில் விளையாடியிருந்தார்.

அதன் பின்னர் சென்னையில் நடைபெற்ற பஞ்சாப் கிங்ஸுக்கு எதிரான போட்டியிலும் தொடர்ந்து தரம்சாலாவில் மீண்டும் நடைபெற்ற அதே அணிக்கு எதிரான போட்டியிலும் உபாதை காரணமாக மதீஷ பத்திரண விளையாடவில்லை.

அவர் உபாதைக்குள்ளானது சென்னை சுப்பர் கிங்ஸுக்கு ஏற்படுத்திய பாதிப்பு ஒரு புறம் இருக்க இலங்கைக்கு அதனை விட பெரிய சிக்கலை தோற்றுவித்துள்ளது.

இன்னும் சில தினங்களில் ஐசிசி ஆடவர் ரி20 உலகக் கிண்ணத்திற்கான இலங்கை குழாம் அறிவிக்கப்படும் என எதிர்பார்க்கப்படுகிறது.

உலகக் கிண்ணப் போட்டி ஆரம்பமாவதற்கு மூன்று வாரங்கள் இருப்பதால்  மதீஷ பத்திரண   அதற்குள் பூரண குணமடைந்துவிடுவார் என எதிர்பார்க்கப்படுகிறது.

இம்முறை சென்னை சுப்பர் கிங்ஸ் அணிக்காக 6 போட்டிகளில் மாத்திரம் விளையாடிய 'டெத் ஓவர் ஸ்பெஷலிஸ்ட்' மதீஷ பத்திரண 13 விக்கெட்களை வீழ்த்தியுள்ளார். அவரது எக்கொனொமி ரேட் 7.68 ஆக இருக்கிறது.

பங்களாதேஷுக்கு எதிராக சில்ஹெட்டில் கடந்த மார்ச் மாதம் நடைபெற்ற சர்வதேச ரி20 போட்டியில் உபாதைக்குள்ளான மதீஷ பத்திரண அதன் பின்னர் சிகிச்சையுடன் ஓய்வுபெற்றுவந்தார்.

இதன் காரணமாக சென்னைக்கும் பெங்களூருக்கும் இடையில் நடைபெற்ற ஐபிஎல் ஆரம்பப் போட்டியில் பத்திரண விளையாடவில்லை.

பத்திரணவுக்கு முன்பதாக முதலாவதாக உபாதைக்குள்ளானவர் டில்ஷான் மதுஷன்க ஆவார். இதன் காரணமாக ஐபிஎல் இல் மும்பைக்காக விளையாடவிருந்த அவரது வாய்ப்பு அற்றுப்போனது.

இலங்கையின் ரி20 அணித் தலைவரும் முன்னணி சுழல்பந்துவீச்சாளருமான வனிந்து ஹசரங்கவும் தனது இடது குதிக்காலில் ஏற்பட்ட உபாதையினால் ஐபிஎல் போட்டிகளில் விளையாடுவதைத் தவிர்க்க நெரிட்டது.

முக்கிய செய்திகள்

icon-left
icon-right

தொடர்பான செய்திகள்

news-image

வீரர்களின் அபார ஆற்றல்களால் இலங்கை அமோக...

2025-02-14 19:11:52
news-image

ஆஸி.யை மீண்டும் வீழ்த்தி தொடரை முழுமையாக...

2025-02-14 00:18:39
news-image

ஐசிசி ஒழுக்க விதிகளை மீறிய பாகிஸ்தானியர்...

2025-02-13 19:28:02
news-image

கில் அபார சதம், கொஹ்லி, ஐயர்...

2025-02-13 18:17:21
news-image

ஐசிசி சம்பியன்ஸ் கிண்ண சிறப்பு தூதுவர்களாக...

2025-02-13 17:23:02
news-image

மாலைதீவில் கராத்தே பயிற்சி மற்றும் தேர்வு

2025-02-13 10:26:53
news-image

சுவிட்சர்லாந்தில் கராத்தே பயிற்சி பாசறை

2025-02-13 10:43:37
news-image

சரித் அசலன்க சதம் குவித்து அசத்தல்;...

2025-02-12 18:57:16
news-image

இலங்கையுடனான டெஸ்ட் தொடருக்குப் பின்னர் குனேமானின்...

2025-02-12 12:02:33
news-image

உலகக் கிண்ணத்துக்கு சிறந்த அணியை கட்டியெழுப்புவதை...

2025-02-11 19:22:29
news-image

அவுஸ்திரேலியாவுக்கு எதிரான ஒருநாள் தொடருக்கான இலங்கை...

2025-02-11 09:21:46
news-image

ரோஹித் ஷர்மா 32ஆவது ஒருநாள் சதம்...

2025-02-10 12:42:11