தவறவிடாதீர்கள்..!உடனே பதிவு செய்யுங்கள்

திருடப்பட்ட 4 முச்சக்கர வண்டிகளுடன் 27 வயதுடைய சந்தேக நபர் ஒருவர்  இன்று வியாழக்கிழமை (25) கைது செய்யப்பட்டுள்ளதாக  பதுளை பொலிஸார் தெரிவித்துள்ளனர்.

சந்தேக நபர் பஸ்ஸறை பிரதேசத்தை சேர்ந்தவர் எனவும் பதுளை நகரில் வீடு ஒன்றை வாடகைக்கு பெற்று  இந்த திருட்டுக் குற்றச்செயல்களை  மேற்கொண்டுள்ளதாக விசாரணைகளில்  தெரிய வந்துள்ளதாக பொலிஸார் தெரிவித்துள்ளனர்.

சந்தேகநபரிடமிருந்து  11 வாகனங்களின் இலக்கத் தகடுகள் காணப்பட்டதாகவும் பொலிஸார் தெரிவித்தனர்.

மேலும், முச்சக்கரவண்டிகள் மற்றும் இலக்கத் தகடுகள் குறித்த தகவல்களைப் பெற்று மோட்டார் போக்குவரத்து ஆணையாளர்  திணைக்களத்திற்கு தகவல் தெரிவிக்க நடவடிக்கை எடுக்கப்பட்டுள்ளதாக பொலிஸார் தெரிவித்துள்ளனர்.