ஆடவர் ரி20 உலகக் கிண்ணத் தூதுவர் யுசெயன் போல்ட்; மகளிர் ரி20 உலகக் கிண்ண தகுதிகாண் தூதுவர் சானா மிர்

Published By: Vishnu

25 Apr, 2024 | 12:52 AM
image

(நெவில் அன்தனி)

மேற்கிந்திய தீவுகள் மற்றும் அமெரிக்காவில் 2024 ஜூன் 1 முதல் 29 வரை நடைபெறவுள்ள ஐசிசி ஆடவர் ரி20 உலகக் கிண்ண போட்டிக்கான சிறப்பு தூதுவராக ஒலிம்பிக் ஜாம்பவான் யுசெயன் போல்டை சர்வதேச கிரிக்கெட் பேரவை அறிவித்துள்ளது.

இளம் புதிய தலைமுறை ரசிகர்களை உற்சாகப்படுத்தும் மிகப்பெரிய கிரிக்கெட் போட்டி தொடங்குவதற்கு சில வாரங்களுக்கு முன்னர் இந்த அறிவிப்பை ஐசிசி விடுத்துள்ளது.

உலக மெய்வல்லுநர் போட்டிகளில் அவர் நிலைநாட்டிய சாதனைகள் மற்றும் அவரது அளவற்ற திறமைகளைக் கௌரவிக்கும் வகையில் ரி20 உலகக் கிண்ண கிரிக்கெட் போட்டியில் அவரை சிறப்பு தூதுவராக அறிவித்தது மிகவும் பொருத்தமாகும்.

2008 பெய்ஜிங், 2012 லண்டன், 2016 ரியோ ஆகிய மூன்று ஒலிம்பிக் விளையாட்டுக்களில் தொடர்ச்சியாக ஆண்களுக்கான 100 மீட்டர், 200 மீட்டர் ஆகிய இரண்டு போட்டிகளிலும் தங்கப் பதக்கத்தை (ஆறு தங்கங்கள்) யுசெய்ன் போல்ட் வென்றிருந்தார்.

அத்துடன் 4 x 100 மீட்டர் தொடர் ஓட்டத்தில் இரண்டு தடவைகள் தங்கப் பதக்கத்தை வென்றிருந்தார்.

இதனைவிட ஆண்களுக்கான 100 மீட்டர் ஓட்டப் போட்டியை 9.58 செக்கன்களிலும் 200 மீட்டர் ஓட்டப் போட்டியை 19.19 செக்கன்களிலும் ஓடிமுடித்து புதிய உலக சாதனைகளை நிலைநாட்டினார்.

ஐசிசி ஆடவர் ரி20 உலகக் கிண்ண கிரிக்கெட் போட்டிக்கு சிறப்பு தூதுவராக நியமிக்கப்பட்டது குறித்து யுசெய்ன் போல்ட் கூறியதாவது:

'கிரிக்கெட் விளையாட்டுக்கு எனது இதயத்தில் எப்போதும் விசேட இடம் இருக்கிறது. ஏனெனில் கரிபியன் மக்களின் வாழ்க்கையில் கிரிக்கெட் விளையாட்டு ஓர் அங்கமாக இருக்கிறது. ரி20 உலகக் கிண்ண கிரிக்கெட் போட்டிக்கு என்னை தூதுவராக நியமித்தது எனக்கு மிக்க மகிழ்ச்சியைத் தருகிறது. பல்வேறு விளையாட்டுக்களில் பிரசித்திபெற்று விளங்கும் ஐக்கிய அமெரிக்காவில் கிரிக்கெட் கொண்டுவரப்படுவது மிகவும் நல்ல விடயமாகும். இது 2028 லொஸ் ஏஞ்சலிஸ் ஒலிம்பிக் விளையாட்டு விழாவில் கிரிக்கெட் இடம்பெறுவதற்கு வெகுவாக உதவும்' என்றார்.

ஒரு தூதராக, இந்த நிகழ்வை ஊக்குவிப்பதில் போல்ட் முக்கிய பங்கு வகிக்கவுள்ளார். ரி20 உலகக் கிண்ண கிரிக்கெட் போட்டியின் உத்தியோகபூர் கீதத்தின் இசைவீடியோ அடுத்த வாரம் வெளியிடப்படும்போது சோன் பால் மற்றும் கெஸ் ஆகிய  கலைஞர்கடன் யுசெய்ன் போல்ட் மேடையில் தோன்றவுள்ளார்.

 மேற்கிந்தியத் தீவுகளில் ரி20 உலகக் கிண்ணப் போட்டிகளிலும்  அவர் கலந்துகொள்வார், மேலும் அமெரிக்காவில் விளையாட்டை ஊக்குவிக்கும் ரசிகர்களின் பங்குபற்றலுடனான நிகழ்ச்சிகளிலும் யுசெய்ன் போல்ட் ஒரு பகுதியாக இருப்பார்.

இது இவ்வாறிருக்க, அபு தாபயில் வியாழக்கிழமை ஆரம்பமாகவுள்ள மகளிர் ரி20 உலகக் கிண்ண தகுதிகாண் சுற்றுக்கான சிறப்பு தூதுவராக பாகிஸ்தான் மகளிர் அணியின் முன்னாள் தலைவர் சானா மிர் நியமிக்கப்பட்டுள்ளார்.

முக்கிய செய்திகள்

icon-left
icon-right

தொடர்பான செய்திகள்

news-image

பங்களாதேஷை இலகுவாக வென்றது இலங்கை; மாலைதீவுகளை...

2024-07-12 01:25:11
news-image

ரி20 அணிதலைவர் பதவியிலிருந்து வனிந்து இராஜினாமா

2024-07-11 19:57:29
news-image

ஆர்ஜென்டீனாவில் பாலியல் குற்றச்சாட்டினால் பிரெஞ்சு றக்பி...

2024-07-11 13:04:22
news-image

மேற்கு ஆசிய இளையோர் விரைவு செஸ்...

2024-07-11 12:34:03
news-image

ஆசிய விளையாட்டு விழாவில் பதக்கம் வென்ற...

2024-07-11 11:59:25
news-image

விம்பிள்டன் சீமாட்டிகள் ஒற்றையர் அரை இறுதியில்...

2024-07-11 12:01:24
news-image

கத்தாரிடம் ஆரம்பப் போட்டியில் இலங்கை தோல்வி

2024-07-11 13:35:29
news-image

ஹேல்ஸ், பானுக்க அசத்தலான துடுப்பாட்டம்; கண்டி ...

2024-07-11 00:12:14
news-image

இலங்கையை 88-44 என்ற புள்ளிகள் கணக்கில்...

2024-07-10 23:56:19
news-image

ரைலி ரூசோவ் அபார சதம் குவிப்பு;...

2024-07-10 19:43:10
news-image

டேவிஸ் கிண்ண டென்னிஸ் 3ஆவது குழுவுக்கு...

2024-07-10 16:28:07
news-image

7ஆவது அகில இலங்கை வில்லாளர் போட்டியில்...

2024-07-10 16:27:20