வழக்கு தீர்ப்பு வழங்குவதை தொடர்ந்தும் தாமதப்படுத்தினால் நீதிபதியின் பெயரை வெளியிடுவோம் - லக்ஷ்மன் கிரியெல்ல

24 Apr, 2024 | 07:59 PM
image

(எம்.ஆர்.எம்.வசீம், இராஜதுரை ஹஷான்)

எமது பக்கத்தில் இருந்து ஆளும் கட்சிக்கு கட்சி தாவி சென்ற இரண்டு உறுப்பினர்களையும் கட்சியில் இருந்து நீக்கி தொடுக்கப்பட்ட வழக்கின் தீர்ப்பை ஒரு நீதிபதி தாமதப்படுத்திக்கொண்டிருக்கிறார். அவர் தனது தீர்ப்பை விரைவாக வழங்காவிட்டால் அவரின் பெயரை வெளிப்படுத்துவோம் என எதிர்க்கட்சி பிரதமகொறடா லக்ஷ்மன் கிரியெல்ல தெரிவித்தார்.

பாராளுமன்றத்தில் புதன்கிழமை (24) இடம்பெற்ற குற்றவியல் நடவடிக்கைமுறைச் சட்டக்கோவை (திருத்தச்) சட்டமூலம் மீதான விவாதத்தில் கலந்துகொண்டு கருத்து தெரிவிக்கையிலேயே இவ்வாறு தெரிவித்தார்.

அவர் அங்கு தொடர்ந்து தெரிவிக்கையில்,

குற்றவியல் நடவடிக்கைமுறைச் சட்டக்கோவை திருத்தச்சட்டத்துக்கு பிரதான எதிர்க்கட்சி என்றவகையில் நாங்கள் எதிர்ப்பில்லை. ஏனெனில் இந்த சட்ட திருத்தம் இதற்கு முன்னரே கொண்டுவந்திருக்க வேண்டும்.

விளக்கு மறியலில் இருக்கும் சந்தேக நபர்கள் தொடர்பில் சில நீதிபதிகள் தீர்ப்பளிக்கும்போது, அவர்கள் விளக்குமறியலில் இருந்த காலத்தை கணக்கிட்டே தீர்ப்பு வழங்குகின்றனர். ஆனால் தற்போது இந்த சட்ட திருத்தம் மூலம் சட்டத்தினால் அது அனுமதிக்கப்பட்டிருக்கிறது. 

அதேபோன்று வழக்கு தீர்ப்பு வழங்குவது தொடர்பில் சில காலதாமதம் எடுப்பதாக சட்டத்தரணிகள் பலரும் என்னிடம் தெரிவித்திருக்கிறார்கள்.

இந்த பாராளுமன்றத்திலும்  எமது பக்கத்தில் இருந்த 2 பாராளுமன்ற உறுப்பினர்கள் ஆளும் கட்சி பக்கம் சென்றார்கள். அவர்களை நீக்குவதற்கு வழக்கு தொடுத்திருக்கிறோம். நாட்டின் அரசியலமைப்பின் பிரகாரம் இந்த வழக்கு விசாரணை மேற்கொண்டு 2மாதங்களில் தீர்ப்பு வழங்க வேண்டும்.

இந்த வழக்கு விசாரணைக்கு எடுத்துக்கொண்டு தற்போது 3மாதங்கள் கழிந்துள்ளன. ஆனால் இன்னும் தீர்ப்பு வழங்கவில்லை. இந்த வழக்கை விசாரணை செய்த  3நீதிபதிகளில் 2 நீதிபதிகள் தீர்ப்பை  எழுதியுள்ளனர். ஒருவர் மாத்திரம் சற்று பின்வாங்கி வருகிறார். 

எனவே தீர்ப்பு வழங்குவதில் தள்ளாடிக்கொண்டிருக்கும் நீதிபதி தனது தீர்ப்பை விரைவாக வழங்க நடவடிக்கை எடுக்கவேண்டும். அந்த தீர்ப்பு எதுவாக இருந்தாலும் பரவாயில்லை. தீர்ப்பு வழங்காமல்  இருப்பது அரசியலமைப்பை மீறும் செயலாகும்.

இந்த வழக்கு விசாரணை நிறைவுக்கு வந்து  தற்போது 3மாதங்கள் ஆகின்றன. அதனால் இந்த வழக்கு தீர்ப்பை குறித்த நீதிபதி விரைவாக வழங்காவிட்டால் அவரின் பெயரை வெளியிடவேண்டி வரும் என்றார்.

முக்கிய செய்திகள்

icon-left
icon-right

தொடர்பான செய்திகள்

news-image

அலங்கார மீன் ஏற்றுமதி மூலம் கடந்த...

2024-06-13 17:36:34
news-image

மன்னாரிலும் தபால் தொழிற்சங்கத்தினர் சுகயீன போராட்டம்

2024-06-13 17:34:27
news-image

இஸ்ரேலில் வேலைவாய்ப்பு பெற்றுத் தருவதாகக் கூறி...

2024-06-13 17:33:18
news-image

தமிழகத்தில் கரையொதுங்கிய அனலைதீவு கடற்றொழிலாளர்களை நாட்டிற்கு...

2024-06-13 17:27:50
news-image

மற்றுமொரு ரயில் தடம் புரள்வு ;...

2024-06-13 17:13:01
news-image

யாழில் தேசிய மக்கள் சக்தியினரால் துண்டுப்...

2024-06-13 17:02:22
news-image

கெஸ்பேவயில் பெண்ணின் தங்கச் சங்கிலியை அறுத்துக்கொண்டு...

2024-06-13 17:00:57
news-image

வீதியில் நிறுத்தி வைக்கப்பட்டிருந்த பஸ் மீது...

2024-06-13 16:51:24
news-image

பல்கலைக்கழக அனுமதிக்கான விண்ணப்பம் கோரல்

2024-06-13 16:49:01
news-image

போதைப்பொருட்களுடன் 750 பேர் கைது!

2024-06-13 16:51:03
news-image

ரஞ்சன் ராமநாயக்கவுக்கு எதிரான நிதி மோசடி...

2024-06-13 16:13:31
news-image

அரசாங்கத்தின் நலன்புரி வேலைத்திட்டங்களின் பயன் விரைவாக...

2024-06-13 16:50:16